Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакыда надир мемарлыг нүмунәси олан мәсҹид тикилир.Бу мәсҹид Гафгазда ән бөjүк ибадәт оҹағы олаҹаг. Бу мәсҹиддә дөрд мин инсан еjни вахтда ибадәтлә мәшғул ола биләҹәк. Ширван мемарлыг әнәнәләринә уjғун тикилән мәсҹид дөрд минарәдән вә ирили-хырдалы доггуз ҝүнбәздән ибарәт олаҹаг. Хүсуси оjма деталларла бәзәдиләҹәк ҝүнбәзләрдән ән бөjүjүнүн диаметри 36 метрдир. Баш ҝүнбәзин әтрафында 24 әдәд үч метр һүндүрлүjүндә шам гоjулаҹаг. Бу шамларын алтында исә дини аjәләр гурашдырылаҹаг
Дини гаjдалара әсасән, мәсҹидин фасадында вә дахилиндә Ширван мемарлыг әнәнәләринә уjғун олараг оjмаларла аjәләр вә сурәләр jазылаҹаг. Мәсҹидә хүсуси ҝөзәллик верәҹәк үч шәрәфәли минарәләрин үмуми һүндүрлүjү исә 95 метр нәзәрдә тутулуб. Минарәләрин ичәрисиндә хүсуси лифт гурашдырылаҹаг. Еjни заманда, мәсҹидә хүсуси ҝөзәллик верәҹәк минарәләрдә Гуран аjәси илә бәзәдилмиш кәмәрбәнд гурашдырылаҹаг. Мәсҹидин ҝириш порталы да хүсуси зөвглә һазырланыб. Һүндүрлүjү 27 метр олан портал мәсҹидә хүсуси ҝөзәллик верир
Лаjиһәjә әсасән, мәсҹидин дахили дә хүсуси технолоҝиjа илә һазырланаҹаг. Дахили диварлар jапма елементләри илә декоратив деталларла халча кими jығылаҹаг. Бурада һүндүрлүjү 16 метр олан кашы-меһраб гурашдырылаҹаг. Пәнҹәрәләрин һашиjәси исә ени 57 сантиметр олан габарма деталларла тамамланаҹаг
Үмумиjjәтлә, надир мемарлыг нүмунәси олан мәсҹиддә мөминләрин ибадәти үчүн бүтүн зәрури шәраит jарадылаҹаг. Ики ибадәт залы аjры-аjрылыгда киши вә гадынлар үчүн нәзәрдә тутулуб. Һәрәкәт раһатлығы үчүн ҝириш гапыларында кишиләр үчүн дөрд, гадынлар үчүн ики ескалатор гурашдырылаҹаг
Лаjиһәдә әлиллиjи олан мөминләр дә нәзәрә алыныб. Онларын мәсҹидә раһат ҝириш вә чыхышы үчүн бүтүн зәрури шәраит jарадылаҹаг. 1,3 һектар әразиjә малик мәсҹид комплексиндә еjни вахтда дөрд jүздән чох автомобилин паркланмасы үчүн даjанаҹаг, дәстәмазхана вә диҝәр зәрури тикилиләр дә нәзәрдә тутулуб
Диггәт: Хәбәрдән истифадә етдикдә мәнбәjә истинад лазымдыр
İslaminsesi.az
