Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Азәрбаjҹандакы сәфири Мөһсүн Пак Аjин Азәрбаjҹан халгыны Новруз баjрамы мүнасибәти илә тәбрик едиб.
Сәфирин тәбрикиндә Новруз баjрамынын Азәрбаjҹан вә Иран Ислам Республикасынын бирҝә дәjәри олдуғу вурғуланыб.
Дипломат геjд едиб ки, Новруз баjрамы достларын, аиләләрин вә ҹәмиjjәтләрин бир араjа топланмасы заманыдыр: “Новруз баjрамы бу реҝионда ортаг мәдәниjjәтә, динә малик бир чох милләтләр тәрәфиндән геjд олунур вә онлары сүлһ, достлуг, гардашлыг принсипләр әтрафында бир араjа ҝәтирир. Баһарын илк ҝүнләриндә мән Азәрбаjҹан халгынын вә һөкумәтинин уғурлары, рифаһы үчүн дуа етмәк истәрдим. Үмид едирәм ки, бу ил Иран Ислам Республикасы вә Азәрбаjҹан арасында олан гардашлыг әлагәләринин мөһкәмләнмәси или олаҹаг”.
Диггәт: Хәбәрдән истифадә етдикдә мәнбәjә истинад лазымдыр
