Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ирагын әл-Нун хәбәр аҝентлиjи Мисирин сабиг президенти Ҹәмал Әбдүл Насирин “Рә`сул Һусеjн” Мәсҹидинидә чәкилдиjи шәкилини jаjымлаjыб.
Фото 1959-ҹу илдә Ҹәмал Әбдүл Насирин “Рә`сул Һусеjн” Мәсҹидинини зиjарәт етдикдән сонра чөлә чыхаркән чәкилиб.
Мисирдә Ислам Пеjғәмбәринин (сәлләллаһу әлеjһи вә алиһ) Әһли Беjтинә (әлеjһис сәлам) олан севҝи олдугҹа jүксәкдир. Сон заманлар азғын “сәләфи” сектасынын Мисир халгы арасында Әһли Беjтә (әлеjһис сәлам) гаршы олан мәһәббәтләрини азалдмаға чалышсаларда лакин Рә`сул Һусеjн (әлеjһис сәлам) Мәсҹиди, Сеjjидә Зеjнәб (сәламуллаһи әлеjһа) вә Сеjjидә Нәфисә (сәламуллаһи әлеjһа) кими Әһли Беjтә (әлеjһис сәлам) аид зиjарәтҝаһлар әввәлки тәкин Мисир халгынын Әһли Беjтә (әлеjһис сәлам) олан севҝи вә мәһәббәт мәншәjи олараг галмагдадыр.
Рәсул Һусеjн (әлеjһис сәлам) Мәсҹиди
Һиҹри Гәмәри тарихи илә 549-ҹу илдә (Милади тарихи илә 1154) Мисир Фатимиләр Һакимиjjәтинин нәзарәти алтына кечир. Елә һәмин илдән башланараг, Гаһирәдә jерләшән Рә`сул Һусеjн (әлеjһис сәлам) мәзары бөjүлдүләрәк ибадәт үчүн зиjарәтҝаһа битишик Мәсҹид дә инша едилир. Геjд олунан Мәсҹид Фатимиләрин Ханым Фатимәjи Зәһранын (сәламуллаһи әлеjһа) шәнинә инша етдикләри әл-Әзһәр (Зәһра сөзүндән ҝөтүрүлүб jәни даһа парлаг) адына Елми Һөвзәсиндән сонра икинҹи ҝениш иҹтимаи мәркәзә чеврилир. Мисир халгы һәлә гәдим заманлардан бәри Ислам Пеjғәмбәринин (сәлләллаһу әлеjһи вә алиһ) вә Имам Һүсеjнин (әлеjһис сәлам) Милад баjрамларыны вә Шәһадәт ҝүнләрини бу мәканда кечирибләр. Мүасир дөнәмдә, хүсуси илә дә Мүбарәк Рамазан Аjында “Рә`сул Һүсеjн” зиjарәтҝаһы Гаһирә сакинләринин гибләҝаһына чеврилир.
Геjд едәк ки, Мәсҹид илк өнҹә дахилиндә Тәлаjи ибн Рузеjк тәрәфиндән чохда ҝениш олмаjан дашдан jонулмуш зәриһ олуб. Мәсҹид үч гапыдан, ики минарәдән вә зәриһ үзәриндәки (бәзи рәваjәтләрә ҝөрә Имам Һүсеjнин әлеjһи сәлам Мүбарәк Башынын сахландығы мәкандыр) гибләнамәдән ибарәт имиш. Лакин Фатимиләрин (Шиә һөкмдарларынын) һакимиjjәт башына ҝәлишиндән сонра, зәриһ ҝенишләнир вә зиjарәтҝаһла бирликдә Мәсҹид дахилинә салыныр. Бир мүддәт сонра Нәҹмуддин Әjjубун дөврүндә зәвварларын сәһләнкарлығы уҹбатындан Мәсҹидин ишығландырылмасы үчүн истифадә олунан jанан шамларын нәтиҹәсиндә тахтадан дүзәлдилмиш зәриһ алышараг jаныр. Нәҹмуддин Әjубун ҝөстәриши илә зәриһ jенидән дүзәлдилир. Сонунҹу дәфә зиjарәтҝаһын вә Мәсҹидин мәсаһәтинин ҝенишләндирилмәси лаjиһәси 1953-ҹү илдә Мисир һөкүмәти тәрәфиндән иҹра олунараг 3340 кв метрә чатдырылыр.
Диггәт: Хәбәрдән истифадә етдикдә мәнбәjә истинад лазымдыр
