Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һиҹри Шәмси тарихи илә 1392-ҹи илин сон аjында сонунҹу Ҹүмә Намазы Аjәтуллаһ Сәиди ҹәнабларынын Имамлығы илә гылыныб. Илин сонунҹу Ҹүмә Намазында еләҹә дә Али Тәглид Мәрҹәси, Философ, Гуран Мүфәссири Аjәтуллаһ Ҹавади Амоли, Аjәтуллаһ Сеjjид Казим Һаири, Аjәтуллаһ Сеjjид Һашими Шаһруди, Аjәтуллаһ Хәррази, Аjәтуллаһ Реj Шәһри, Гум әjаләтинин Валиси вә Бәләдиjjә башчылары jахындан иштирак едибләр.
Һәмчинин илин сонунҹу Ҹүмә Намазындан сонра диндарлар Бәһреjнә һаким кәсилмиш Али Хәлифә вәһһаби режиминин дәвәти илә өлкәнин Сәуди Әрәбистан һәрбичиләри тәрәфиндән ишғал едилмәсинин үчүнҹү илдөнүмүнә етираз әламәти олараг jүрүшү кечирдибләр.
Бу ҝүн гылынан Ҹүмә Намазындан өнҹә Бәһреjн Үләмалар Шурасынын үзвү Һәҹҹәтүл Ислам вәл Мүслимин әл-Дигаг ҹәнаблары чыхыш едәрәк, Бәһреjн һадисәләрини шәрһ етмиш вә дүнjа иҹтимаиjjәтинин бу ишғала лагеjд jанашмасыны мәһкум етмишдир.
Ҹүмә Намазы битдикдән сонра исә, Гум әһалиси вә Ҹамиәтул Мустәфа әл-Аләмиjjә беjнәлхалг академиjанын тәләбәләри етираз jүрүшүнә гатылыблар. Етиразчылар әрәбистанлы һәрбчиләрин Бәһреjнә дахил олмасыны, еләҹә дә Бәһреjн Үләмалар Шурасынын ләғв едилмәсини кәскин сүрәтдә мәһкум едибләр.
Сонда етиразчылар 7 бәнддән ибарәт Гәтнамә гәбул едәрәк Али Хәлифә вә Али Сәуд режиминин ҹинаjәтләрини мәһкум едибләр.
Диггәт: Хәбәрдән истифадә етдикдә мәнбәjә истинад лазымдыр
