Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Һәгиги Исламы тәҹәссүм етдирән Шиә мәзһәбини гәбул етмиш “вәһһаби” руһаниләриндән бири олан Доктор Исам әл-Имад, өлкәси Јәмәндә баш верән сон һадисәләрә ишарә едәрәк билдириб: “Ислами Оjаныш вә азадә халгларын зүлмкар режимләрә гаршы гиjамларындан өнҹә вәһһабилик Јәмәндә гүдрәтли базалардан бири иди.”
Доктор Исам әл-Имад даһа сонра деjиб: “Јәмәнин 30 милjондан артыг ҹәмиjjәти вар. Бу ҹәмиjjәтин чох бир гисмини Зеjди мәзһәбинин даваммчлары тәшкил едир. (Админ: Зеjдиләр Шиә мәзһәбинин бир голу саjылыр. Лакин онларын өзләринә мәхсус дүнjа ҝөрүшләри вә фигһи китаблары вардыр.) Мараглыдыр ки, Имам Хомеjни һәзрәтләринин гиjамындан сонра Јәмәндә 1 милjон инсан Шиә мәзһәбини гәбул едәрәк Әһли Беjт (әлеjһимус сәлам) мәктәбинин давамчылары олду. Бу һәрәкәт Ислам Ингилабынын Јәмәндәки мүсбәт тәсиринин ҝөстәриҹисидир.”
Исламын нүфузлу алими сонра билдириб: “Јәмән ҹоғрафи бахымдан Сәуди Әрәбистан илә һәмсәрһәд өлкәдир. Бу сәбәбдән дә узун илләрдән бәри Јәмән вәһһаби тәблиғатчыларынын әсасә мановер мәркәзинә чеврилмишдир. Бу ҝүн, вәһһабилик артыг Ислам Дүнjасынын әсас проблемләриндән биридир.”
Ҹамиәтул Мустфа (с) әл-Аләмиjjә Дини Академиjасынын Профессору даһа сонра деjиб: “Јәмән халгынын гиjамында Зеjди Шиәләр илә 12 Имамчы Шиәләр (админ: Геjд едәк ки, Зеjдиләр 12 Имамдан jалныз дөрдүнү Имам Әли, Имам Һәсән, Имам Һүсеjн вә Имам Зеjнулабидини әлеjһимус сәлам Имам үнванында гәбул едирләр) бирләшәрәк, вәһһабилик гаршысында мөһкәм ҹәбһә гурдулар. Бу ҝүн, биз онун бәһрәсини ҝөрүрүк.”
О даһа сонра деjиб: “Сеjjидләрин Тәбатәбаи нәслиндән олан Һүси ҹәрәjанынын гиjамындан сонра бу ҝүн артыг вәһһабилик сектасынын сүгут етмәсинин шаһидиjик. Јәмәндә Шиә мәзһәби һәр ҝүн өтдүкҹә даһа да ҝүҹләнмәкдә вә ҝенишләнмәкдәдир.”
Диггәт: Хәбәрдән истифадә етдикдә мәнбәjә истинад лазымдыр
