Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Републиксынын Президенти Һөҹҹәтүл Ислам вәл Мүслимин Доктор Һәсән Руһани бу ҝүн Теһранда Шәһидләр Ҝүнү илә әлагәдар шәһид аиләләри илә ҝөрүшүндә билдириб: "Иран Ислам Республикасынын иштиракы вә ирадәси олмадан бөлҝәдә сүлһ вә сабитлик бәргәрар олмаjаҹаг. Бу, шәһидләримиз вә ветеранларымызын шанлы уғурудур".
Һ.Руһани Иран Ислам Республикасыны бу ҝүн реҝионун ән ҝүҹлү өлкәси адландырыб: "Бир заманлар дүшмән дүшүнүрдү ки, Иран Ислам Республикасы зәиф өлкәдир вә һүҹум етмәклә ону мәһв едә биләҹәк, лакин бу ҝүн һәр кәс баша дүшүр ки, Иран Ислам Республикасы бөлҝәнин ән ҝүҹлү өлкәсидир".
Һөҹҹәтүл Ислам вәл Мүслимин Һәсән Руһани шәһид аиләләринә Иран Ислам Республикасыныын бу ҝүн зирвәдә олмасы үчүн өвладларыны гурбан вердикләринә ҝөрә тәшәккүрүнү билдириб вә дөвләтин онлар гаршысында һәмишә борҹлу олдуғуну деjиб.
ИИР вә 5+1 өлкәләри арасындакы нүвә данышыгларында дөвләтин сон аjларда әлдә етдиjи наилиjjәтләрдән данышан Президент билдириб ки, бу саһәдә ҝәлән ил дә (админ: Новруз баjрамындан сонра нәзәрдә тутулур) бәзи ишләр ҝөрүләҹәк.
Геjд едәк ки, Иран Ислам Республикасында һәр ил Һиҹри Шәмси тәгвими илә Исфәнд аjынын 22-си (мартын 13-ү) Шәһидләр Ҝүнү геjд олунур.
Диггәт: Хәбәрдән истифадә етдикдә мәнбәjә истинад лазымдыр
