Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мәркәзи Африка Республикасынын Тәһлүкәсизлик Назирлиjинә jахын вә адынын ачыгланмамасыны истәмәjән мәнбә өтән ҝүн Паjтахт Банҝи-дә 4 ҝүнаһсыз Мүсәлман вәтәндашынын христиан jараглылары тәрәфиндән өлдүрүләрәк тикә-тикә едилдикләрини билдириб.
О, ҹинаjәт һадисәсини ачыглаjараг деjиб: “7 Март 2014 тарихдә 3 сивил Мүсәлман вәтәндашлары хүсуси машынла Импоко һава лиманына ҝедәркән Паjтахтын Кумпетан мәнтәгәсиндә радикал христиан груплашмасынынын силаһлы һүҹумуна мәруз галырлар. Јараглылар онлары гәтлә jетирдикдән сонра ҹәсәдләринин әзаларыны доғраjараг бәдәнләриндән аjырыблар.”
Мәнбә даһа сонра Паjтахтын Малимака мәнтәгәсиндә дә бир нәфәрә Мүсәлман вәтәндашынын христиан jараглылары тәрәфиндән вәһшиҹәсинә гәтлә jетириләрәк бәдән әзаларынын доғранылдығыны билдириб.
Геjд едәк ки, Импоко һава лиманы jахынлығында jерләшән Паjтахтын Кумпетан мәнтәгәси Франса Силаһлы Гүввәләри вә Африга Иттифагынын һәрбичиләринин ихтиjарындадыр. Бу сәбәбдән дә геjд олунан мәнтәгә Мүсәлманлар үчүн ән горхулу jер саjылыр. Јарымһәрбичи вә гарәтҝәр христиан бирләшмәләри әксәрән бу мәнтәгәләрдә фәалиjjәт ҝөстәрирләр. Христианларын Анти-Балака адлы анти-Ислам груплашмасы jол кәнарында пусгу гурараг Һава Лиманына ҝәлән Мүсәлманлары гәтлә jетирирләр.
Диггәт: Хәбәрдән истифадә етдикдә мәнбәjә истинад лазымдыр
