Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, 22 ил әввәл сакинләри дәһшәтли ишҝәнҹәләрлә өлдүрүлмүш, әсир ҝөтүрүлмүш бу шәһәр бәшәр тарихинә инсанлығын ән бөjүк хәҹаләт дамғасы кими һәкк олунду. Хоҹалы бу ҝүн бүтүн дүнjада изи jер үзүндән силинмиш, сон сакининә гәдәр мәһв едилмиш руһлар шәһәри кими таныныр. Амма Хоҹалы адлы ағыр дәрд инсанларын jаддашындан силинмәjиб, халгымызын үрәjиндә сағалмаз jараjа чевриләрәк бизи гисаса-интигама сәсләjир.
Һәр ил соjгырым ҝүнү-февралын 26-да инсанлар ахын-ахын Хоҹалы абидәсини зиjарәт етмәjә ҝәлирләр. Азәрбаjҹан Ислам Партиjасынын бир груп үзвү дә бу ҝүн зиjарәтчиләрин сырасында олуб. Партиjанын рәһбәрлиjи, сирави үзвләр абидәнин гаршысына тәр гәрәнфилләр дүзәрәк Хоҹалы шәһидләринин руһуна фатиһә охуjуб, ишғал алтында олан торпагларымызын азад олунмасы үчүн дуалар едибләр.
Аллаһ ҹәми шәһидләримизә рәһмәт етсин!
Диггәт: Хәбәрдән истифадә етдикдә мәнбәjә истинад лазымдыр
