Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, өтән ҝүн, 26 Феврал 2014 тарихдә Иран Ислам Республикасынын Мүгәддәс Гум шәһәриндә тәһсил алан Азәрбаjҹанлы тәләбәләр Хоҹалы Соjгырымынын 22-ҹи илдөнүмү илә бағлы Беjнәлхалг Ҹамиәтүл Мустәфа (сәлләллаһу әлеjһи вә алиһ) Академиjасынын Али Фигһ (Һөҹҹәтиjjә) Мәдрәсәсиндә аным вә елми тәдбир кечирдибләр.
Мүхбиримизин вердиjи мәлумата ҝөрә, Али Фигһ Мәдрәсәсинин Шәһид Мүтәһәрри адына акз салонунда Гурани Кәримин тилавәти илә кечирилән тәдбирдә, Гарабағ фаҹиәси вә Хоҹалы согырымынын елми, тарихи вә дини бахымдан арашдырылмалары олуб.
Хәтибләр фаҹиәнин үз вермәсинин әсас көкүнү jүз илләрҹә өнҹәләрә гаjытдығыны, проссесин дүшмән гүввәләри тәрәфиндән планлы сүрәтдә етапла һәjата кечирилдиjини вә бу һадисәләр гаршысында Мүсәлман азәрбаjҹанлыларын Ислам Дининин принсибләриндән узаглашдыгларына вә дүшмәнлә мүамиләдә садәлик деjил мәһз садәлөвлүк ҝөстәрдикләринә ҝөрә, удуздугларыны билдирибләр.
Тәдбирдә һәмчинин Хоҹалы соjгырымы һагда сәнәдли филм ҝөстәрилиб. Һабелә Тәдбирдә Хоҹалы соjгырымы һагда сәрҝи дә дүзәлдиләрәк мүхтәлиф милләтләрдән олан тәләбәләрә нүмаjиш етдирилиб.
Сонда тәдбирин әсас тәшкилатчылары олан Беjнәлхалг Ҹамиәтүл Мустәфа (сәлләллаһу әлеjһи вә алиһ) Академиjасынын Азәрбаjҹан Республикасы тәләбәләри шурасы вә геjд олунан беjнәлхалг гурумун нәзниндә фәалиjjәт ҝөстәрән Муһәммәдин (сәлләллаһу әлеjһи вә алиһ) Маариф Ишығында Иҹмасынын гәбул етдикләри бәjанат охунуб.
Бәjанатын там мәтнин саjтымызын гонагларына тәгдим едирик:
Залимләрдән Интигам Алан Аллаһын Ады Илә
وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ
Зүлм едәнләр тезликлә биләҹәкләр ки, неҹә дөнүш jеринә гаjтарылаҹаглар!
Гурани Кәрим, әш-Шүәра сүрәси, аjә 27.
Залымлар барәдә jанылмаз олан Илаһи вәдә һәгигәтә говушаҹагдыр. Зүлм давам едәрсәМүтәал Аллаһ вердиjи немәтләри залым гөвмдәнардыҹыл олараг ҝери алар, бу ишә исрар едәрләрсә нәһаjәт онлары тарихин сәһифәсиндән силәҹәкдир!
Тарих боjу ермәни швонистләри халгымыза гаршы ганлы ҹинаjәтләр вә соjгырымы актлары төрәдибләр. Демографик проблемлә үзләшән ермәниләр чыхыш jолуну jалныз Мүсәлман халгыны гырыб вар дөвләтини талан етмәкдә ҝөрүбләр. 1992-ҹи ил Февралын 25-дән 26-на кечән ҝеҹә Хоҹалы соjгырымы онларын ишғалчы сиjасәтләрини вә еjни заманда тәҹавүзкар олдугларыны бир даһа сүбута jетирди. Һәмин ҝеҹә ишғалчы ермәни силаһлы бирләшмәләринин кечмиш советләр ордусунун Ханкәндиндәки 366-ҹы мотоатыҹы алаjы иллә бирҝә төрәтдиjи ҹинаjәт дәһшәтли нәтиҹәләринә ҝөрә, тарих боjу төрәдилмиш ҹинаjәтләрлә мүгаjисәдә аналогу олмаjан бир вәһшилик иди. Илк олараг шәһәрә чох саjлы ағыр типли һәрби техника jеритмәклә jашаjыш мәнтәгәләрини вә еләҹә дә шәһәрин сосиал инфрастуктуруну тамамилә дағыдараг,әлиjалын инсанлары амансызҹасына гәтли-ам етдиләр. Соjгырымда адлары бәлли олан 613 нәфәрин, о ҹүмләдән 106 гадын, 63 азjашлы ушаг, 70 гоҹанын һәjатына сон гоjулмуш, 487 динҹ сакин ағыр jараланараг шикәст олуб, 1275 нәфәр әсир вә ҝиров ҝөтүрүлмүшдүр. Иткин дүшмүш190 нәфәрин талеjи исә индиjәдәк мәлум деjилдир.
Геjд етмәлиjик ки, Хоҹалы jалныз һәрби стратежик мөвгеjинә ҝөрә деjил һәм дә тарихи әһәмиjjәтинә ҝөрә, өлкәмизин мәдәни, вә мәнәви дәjәрләри арасында бөjүк әһәмиjjәтә малик иди. Орада мәдәни исримизә хүсуси илә дә, тунҹ дөврүнә аид олан мәишәт нүмунәләри тәкҹә өлкә дахилиндә деjил хариҹдә дә чох jүксәк гиjмәтләндирилирди. Хоҹалынын ишғалы мәдәни ирсимизә чох ҹидди зәрбә вурмагла jанашы, еjни заманда Гарабағын диҝәр раjон вә шәһәрләринин итирилмәсинә шәраит jаратды. Бу вәһшиликдән 22 ил өтмәсинә бахмаjараг һәлә дә Хоҹалы соjгырымы бәзи беjнәлхалг гурумлар тәрәфиндән лазымы гиjмәтини алмаjыб.
22 илдән артыг әзиз Гарабағымызын вә әлавә олараг 7 раjонумузун ермәни ишғалындан азад едилмәси үчүн дөвләт вә халгын вәһдәти даһа өнәмлидир. Белә бир аҹынаҹаглы дурумда бирләшиб ермәни тапдағы алтында олан торпагларымызы вә бу ҝүнә гәдәр талеjи бәлли олмаjан әсирләримизи азад етмәк әвәзинә, башда Һаҹы Мөвсүм Сәмәдов олмагла, вәтәнин намуслу вә геjрәтли оғулларыны ШӘРЛӘЈӘРӘК зинданлара салмаг һеч бир мәнтиг вә һүгуг нормаларына уjғун деjилдир.
Биз бир Мүсәлман азәрбаjҹанлы олараг Хоҹалы соjгырымыны халгымызын ән ағрылы проблеми кими даима диггәт мәркәзиндә сахланмасыны вә еләҹә дә реҝионда сүлһүн бәргәрар оламсы үчүн беjнәлхалг гурумлара сәсләнирик. Биринҹи аддым кими БМТ-jә үзв олан демократик өлкәләрин мүнагишә илә бағлы беjнәлхалг тәшкилатларын гәрарларынын, о ҹүмләдән ишғал олунмуш Азәрбаjҹан Республикасынын торпагларындан ишғалчы Ермәнистан гошунларынын дәрһал, геjд-шәртсиз вә тамамилә чыхарылмасы илә бағлы БМТ Тәһлүкәсизлик Шурасынын 822, 853, 874 вә 884 саjлы гәтнамәләринин иҹрасыны Ермәнистандан тәләб едирик. Һабелә бу соjгырым һадисәсинин дүнjа халгларына вә дөвләтәринә таныдылмасы, тәгсиркарларын ҹәзаландырылмасы, соjгырымы гурбанларынын хатирәсинин әбәдиләшдирилмәси вә онларын сосиал мүдафиәсинин һүгуги тәминатларыны мүәjjән едлмәси саһәсиндә лазымы тәдбирләрин һәjата кечирилмәсини тәләб едирик.
Беjнәлхалг Ҹамиәтүл Мустәфа (сәлләллаһу әлеjһи вә алиһ) Академиjасынын Азәрбаjҹан Республикасы тәләбәләри шурасы вә Муһәммәдин (сәлләллаһу әлеjһи вә алиһ) Маариф Ишығында Иҹмасы
Диггәт: Хәбәрдән истифадә етдикдә мәнбәjә истинад лазымдыр
