Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Астаранын Әрчиван кәндиндә баш верән һадисәләр мәтбуатда фәргли формаларда шәрһ олунур. Гәсәбәдә базарын jандырылмасы вә маҝистрал jолун кәсилмәсиндә гәсдән, jа да билмәjәрәкдән Ислам Партиjасы үзвләринин адлары һалландырылыр. Мәсәләjә аjдынлыг ҝәтирмәк мәгсәдилә мүхбири һадисәләрин бирбаша шаһиди олмуш Әрчиван кәнд сакини, АИП үзвү Казым Казымлыдан ачыглама алыб.
-Һадисәләр неҹә башлады?
- Һәр шеj сосиал шәбәкәдә, кәнд әһалисинә гаршы сөjүш вә тәһгирләрлә долу jазыдан башлады. Орда бир нәфәр кәнд сакининин ады вә фамилиjасы шәкли илә бирҝә гоjулмушду. Һәмин jазы ҹамаата ҝөстәрилди вә jазынын мәтни илә бағлы һамы мәлуматландырылды. Сакинләр бу мәсәлә илә бағлы jығышыб мәсләһәтләшди вә бу гәрара ҝәлинди ки, полис шөбәсинә ҝедиб jазы мүәллифинин тапылыб ҹәзаландырылмасы үчүн мүраҹиәт едилсин. Һүгуг мүһафизә органларынын әмәкдашлары ҹамаата сөз вердиләр ки, бу шәхс мүтләг тапылыб ҹәзаландырылаҹаг.
Мүраҹиәт едәнләрин саjы 100-ә jахын иди. Адамлар бир-ики саат шөбәнин гаршысында даjаныб өз тәләбләрини ирәли сүрдүләр. Елә бу вахт базарын jанмасы хәбәри jаjылды. Ҹамаат орадан дағылышыб Әрчивана ҝетди. Бир мүддәт сакитлик оландан сонра кимсә ҝәлиб ҹамааты тәһрик етмәjә башлады ки, “ҝәлин jолу бағлаjаг, һәмин адамы дәрһал тапыб бизә верәҹәкләр.” Беләликлә, Ипәк jолуну бағладылар. Фамил вә диҝәр кәнд ағсаггаллары ҹамааты jолу ачмаг үчүн дилә тутмаға башладылар. Билдирдиләр ки, бу jол беjнәлхалг jолду, бурадан кечән jүк масынларында олан әрзаг маллары хараб ола биләр.
Лакин киминсә тәһрики илә чоху бу мәсләһәтә гулаг асмады. Јолун бағланмасы 4 саат давам етди. Полис рәиси, МТН-нин рәиси вә рәис мүавинләри ҝәлиб хаһиш етдиләр ки, jолу ачын. Кәндин ағсаггаллары вә диндар ушаглар jолун ачылмасы үчүн чох чалышсалар да буна мүвәффәг ола билмәдиләр. Ахырда ҹамаат раjон иҹра һакимиjjәти сәдри илә ҝөрүшмәк тәләбини ирәли сүрдү.
Иҹра һакими дә ҝәлиб чыхды вә чыхыш еләди. Билдирди ки, мән сизә сөз верирәм, һәмин адамы тапаҹағам. Ондан сонра һамы дағылышыб евинә ҝетди. Сабаһы ҝүн мәсәләдән хәбәр чыхмадығы үчүн етиразлар давам етдирилди. Әслиндә бу ишә тәһрикчиләрин иши башадүшүлән деjилди, рәсми органлар исә беләсинә санки шәраит jарадырдылар. Топлашанлар бир аз сонра ағсаггалларын тәләби илә jенидән дағылышдылар. Ертәси ҝүн, jәни һадисәләрин 3-ҹү ҝүнү Дахили Ишләр Назирлиjиндән рәсми шәхсләр вә Ләнкәран раjонундан полисләр ҝәлдиләр. Ахшамчағы сөjләдиләр ки, кәнд ҹамаатындан беш ағсаггал ҝәлсин сөһбәт еләjәк.
Мәсләһәтләшмәjә ҝедәнләрин ики нәфәри сахланмагла галанлары ҝери гаjытдыла. Бир нечә ағсаггал шөбәjә ҝәләрәк ики нәфәрин сахланылмасынын сәбәби илә марагландылар.
Онлара билдирилди ки, бу ики шәхс тәхрибатла мәшғул олублар онлар дөвләт чеврилишиндә ҝүнаһландырылырлар. Онлара изаһ олунду ки, бурада дөвләр чеврилишиндән вә jа буна ҹәһддән сөһбәт ҝедә билмәз. Гаршы тәрәф дә бу фикирлә разылашды. Бу мәсәләләрә ҝөрә дә бир нечә нәфәрә бир аjлыг һәбс ҹәзасы кәсилди. Анҹаг АИП комитә сәдри барәсиндә индиjә кими һеч бир мәлумат jохдур вә бизә һеч бир сөз деjилмир.
-Мәтбутда геjд олундуғу кими сахланыланларын һамысы АИП үзвүдүрмү? Бу фикрә мүнасибәтиниз.
-Сәһв мәлуматдыр. Сахланыланлардан jалныз бири- Фамил Шүкүров АИП үзвүдүр.
Диггәт: Хәбәрдән истифадә етдикдә мәнбәjә истинад лазымдыр
