Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Февралын 16-да Бакыда “Советски” адланан мәһәлләнин сакинләри етираз аксиjасы кечирмәк үчүн мәһәлләнин мәркәзи күчәсинә jығшыб.
Евләринин сөкүлмәси үчүн нәзәрдә тутулан компенсасиjанын азлығындан шикаjәт едән Советск сакинләри аксиjаны Бакыдакы 173 саjлы мәктәбин гаршысында кечирибләр. Аксиjада 1000-ә jахын адам jығылыб. Онлар шәһәр вә раjон рәсмиләри илә ҝөрүш тәләб едибрләр.
Сакинләр әразинин милләт вәкили Абел Мәһәррәмовла ҝөрүш тәләб едибрләр ки, динҹ етиразлары парламентдә мүзакирә едилсин.
Ҹамаат һәмчинин әтрафа полисин jығылмасындан да шикаjәтләнибләр.
Етиразчылар деjибләр ки, “биз 1500 манатла биз һеч нә едә билмәjәҹәк, евләрин гиjмәти ҝүнү-ҝүндән баһалашыр”. Етиразчылар иҹра башчысыны тәләб едиб.
Иҹра башчысынын мүавини Сәмәдов аксиjа иштиракчылары гаршысында чыхыш едәрәк, аксиjа иштиракчыларынын тәләбләринин нәзәрә алынаҹағыны вәд етдикдән сонра әразидән узаглашыб.
Ҝәрҝинлик кечирән аксиjа иштиракчысы олан бир гадын һушуну итириб.
Аксиjачылар билдирибләр ки, онлар тәркиби 5-10 нәфәрдән ибарәт Тәшкилат Комитәси jарадырлар.
«Биз тәләбләримизи иҹра һакимиjjәти нүмаjәндәләринә билдирәҹәjик. Әҝәр тәләбләримиз jеринә jетрилмәсә, һәр базар ҝүнү jох, һәр ҝүн аксиjа кечирәҹәjик. Биз һакимиjjәтлә дава етмирик. Давамыз өзбашыналыг едән мәмурларладыр».
Тәшкилат Комитәси jарадылаҹағы тәклифиндән сонра аксиjчылар дағылышмаға башлаjыб. Бир саат давам едән аксиjа сона чатыб.
Диггәт: Хәбәрдән истифадә етдикдә мәнбәjә истинад лазымдыр
