Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Босниjа вә Һерсеговинанын Висеград шәһәринин серб әсилли иҹра апаратынын башчысы, Босниjа шәһидләринин хатирәсинә инша едилмиш Хатирә Абидәси үзәриндә jазылмыш “соjгырым” кәлмәсини ҝөтүздүрүб.
Босниjа Шәһид аиләләри бу геjригануни ишә гаршы өз етиразларыны билдирибләр. Онлар, серб әсилли иҹра башчысына гаршы иттиһам ирәли сүрәҹәкләрини дә геjд едибләр. Босниjада фәалиjjәт ҝөстәрән мүхтәлиф иҹмалар да өз нөвбәләриндә бу һаггсызлыға гаршы етиразларыны билдирибләр.
Геjд едәк ки, 24 декабр 2013 тарихдә Висиград шәһәр иҹра һакими Босниjа шәһидләринин хатирәсинә инша едилмиш Хатирә Абидәси үзәриндә jазылмыш “соjгырым” кәлмәсинини ҝөтүрмәjә чалышса да лакин Босниjа шәһид аиләләринин ҹидди етирази илә үзләшәрәг ҝери чәкилмишдир.
Хатырладаг ки, Босниjа соjгырымы 1991-1995-ҹи илләрдә кечмиш Југославиjада баш верән вәтәндаш мүһарибәси заманы серб ордусу тәрәфиндән төрәдилиб. Христиан серб ордусу тәкҹә 1995-ҹи илин иjулунда ән азы 8300 босниjалы мүсәлманы Сребренитса шәһәриндә гәтлә jетирмәк илә соjгырым актын төрәдиб.
Гәтлләр ҝенерал Ратко Младичин табечилиjиндә олан вә ағыр силаһларла тәҹһиз едилмиш христиан серб ордусу тәрәфиндән төрәдилмишдир. Соjгырым заманы гадын вә ушагларын да гәтлә jетирилдиjи сәнәдләрлә сүбута jетирилмишдир. Серб ордусуjла jанашы "Әгрәбләр" ады илә танынан Сербиjа хүсуси тәһлүкәсизлик дәстәләри дә гәтлиамын төрәдилмәсиндә иштирак етмишләр. Босниjада сербләр тәрәфиндән төрәдилән соjгырым мәһз БМТ-нин Сребренитсаjа jерләшдирдиjи 400 силаһлы Һолландиjа сүлһмәрамлысынын ҝөзү өнүндә баш вериб.
Сребренитса соjгырымы ЫЫ дүнjа мүһарибәсиндән сонра Авропада баш верән ән иримигjаслы гәтлиамдыр. Бу соjгырым һәм дә ЫЫ дүнjа мүһарибәсиндән сонра Авропада һүгуги ҹәһәтдән илк дәфә сәнәдләшдирилмиш соjгырым актыдыр.
Диггәт: Хәбәрдән истифадә етдикдә мәнбәjә истинад лазымдыр
