Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын президенти Һөҹҹәтүл Ислам вәл Мүслимин Һәсән Руһани ИИР-ла “алтылыг” өлкәләри арасында jекун разылашманын әлдә едилмәси үчүн гаршы тәрәфдә лазыми сиjаси ирадә вә ҝүҹун олмасына ишарә едәрәк билдириб: “Әҝәр гаршы тәрәф лазыми сиjаси габилиjjәт вә ирадәjә саһибдирсә, Иран Ислам Республикасы да нүвә мәсәләсиндә сон аддымы атмаға һазырдыр. Чүнки Иран jалныз динҹ мәгсәдли нүвә технолоҝиjасына саһиб олмаг истәjир вә бу истигамәтдәки гануни һаггында чох исрарлыдыр. Она ҝөрә дә нүвә мәсәләсиндә аjры-сечкилиjи вә мәһдудиjjәти гәбул етмирик”.
Һөҹҹәтүл Ислам вәл Мүслимин Һ.Руһани ҹәнаблары Гәрб вә АБШ-ын Иран Ислам Республикасындан уранын зәнҝинләшдирилмәси фәалиjjәтләрини тамамилә даjандырараг истәдиjи мигдары кәнардан (гәрб вә америадан күлли мигдарда пул өдәмәклә) тәмин етмәси зәрурилиjи һагда верилән суалы белә ҹавабландырыб: “Иран Ислам Республикасы белә бир аjры-сечкилилиjи әсла гәбул етмәjәҹәк. Динҹ мәгсәдли нүвә фәалиjjәтләри бүтүн өлкәләрин һаггыдыр. Иран Ислам Республикасы әсла уранын зәнҝинләшдирилмәси фәалиjjәтләрини вә нүвә програмыны даjандырмаjаҹаг. Иран Ислам Республикасынын нүвә фәалиjjәтләри тамамилә Атом Енержиси үзрә Беjнәлхалг Аҝентлиjин нәзарәти алтындадыр. Иран Ислам Республикасынын ҝизләдәҹәjи һеч бир шеjи jохдур”.
Ислам Республикасынын президенти Һөҹҹәтүл Ислам вәл Мүслимин Һәсән Руһани даһа сонра Фәләстин торпагларыны ишғал етмиш гондарма исраил сионист режиминин Иран Ислам Республикасынын нүвә обjектләринә һүҹум едә биләҹәjи истигамәтиндәки тәһдидләринә дә мүнасибәт билдирәрәк деjиб: “Биз тәһдиддән горхмуруг. Онсуз да тәһдид дили Иран Ислам Республикасына гаршы ишә jарамаз. Гондарма исраил режими Иран Ислам Республикасынын габилиjjәтини чох jахшы билир вә бизим дә онларын мөвҹуд потенсиалы барәдә мәлуматымыз вар. Она ҝөрә дә геjрилегал исраил режими белә бир аддым атмаjаҹаг. Чүнки белә олаҹағы тәгдирдә нә кими ҹавабла үзләшәҹәjини jахшы билир. Сионист режими jалныз шүар верир вә бу шүары реаллашдыра биләҹәк ҝүҹдә деjил. Һәр һалда белә бир ахмаглыға jол верәрсә, чох пешман олаҹағы бир ҹавабы алаҹаг”.
Диггәт: Хәбәрдән истифадә етдикдә мәнбәjә истинад лазымдыр
