Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Республикасынын Талыш Халгына гаршы апардығы ассимлиасиjа сиjасәтинин давамында Талыш Халгынын Зиjалысы, Һүгуг Мүдафиәчиси, “Толиши сәдо” гәзетинин баш редактору, Исламчы Һилал Мәммәдов jанварын 24-дә аиләсинә зәнҝ едәрәк сахланма шәраитиндән ҝилеjләниб.
Һилал Мәммәдовун гардашы Сәбаһәддин Мәммәдов бу һагда ачыглама верәрәк билдириб ки, jениҹә апарылдығы 17 саjлы Ҹәзачәкмә Мүәссисәсиндә она әзиjjәт верибләр: “Һилалын дәрманлары, сәнәдләри, пуллары әлиндән алыныб, сачыны мәҹбури гырхыблар. Һәдәләjибләр ки, деjиләнләри етмәсән, Немәт Пәнаһлынын башына ҝәләнләр сәни дә ҝөзләjир”.
Хатырладаг ки, Немәт Пәнаһлы 2013-ҹү илдә геjд олунан ҹәза чәкмә мүәссисәсиндәки режими позмагда ҝүнаһландырылараг Гобустан һәбсханасына көчүрүлүб.
Билдирәк ки, Талыш Халгынын Зиjалысы,Һилал Мәммәдов Бакыдакы 17 саjлы Ҹәзачәкмә Мүәссисәсинә jанварын 23-дә апарылыб. Дүнәнә гәдәр о, Бакы Истинтаг Тәҹридханасында сахланырды.
Геjд едәк ки, Һүгуг Мүдафиәчиси, “Толиши сәдо” гәзетинин баш редактору, Исламчы Һилал Мәммәдов мөвҹуд әлиjевләр режиминин Гондарма Ҹинаjәт Мәҹәлләсинин 274-ҹү (дөвләтә хәjанәт), 283.2.2-ҹи (милли, ирги, сосиал вә jа дини нифрәт вә дүшмәнчилиjин салынмасы) вә 234.4.3-ҹү (ганунсуз олараг күлли мигдарда наркотик васитәләри әлдә етмә, сахлама вә сатма) маддәләри илә ШӘРЛӘНИЛИР.
Диггәт: Хәбәрдән истифадә етдикдә мәнбәjә истинад лазымдыр
