Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мисирин Кечмиш Информасиjа Назири Усама Һеjкел Муһәммәд Мурсинин едамы һагда ачыглама верәрәк билдириб: “Мисирин вәзифәсиндән кәнарлашдырылмыш өлкә башчысы Муһәммәд Мурсинин, Мисирдә “Ислами Хилафәт” адлы вәһһаби һөкүмәтинин бәрпасы үчүн хариҹи дөвләтләр илә ҹасуслуг зәмининдә етдиjи әмәкдашлығы әҝәр сүбута jетәрсә онун едама мәһкум олаҹағы гәтидир”.
Усама Һеjкел сонра билдириб: “Муһәммәд Мурси, Мисир Республикасына башчылыг етдиjи мүддәт әрзиндә бир сыра сиjаси аддымлар атмышдыр ки, бүтүн бунлар онун вәтән хаини олдуғуна сүбут едир. Белә ки, она гаршы ирәли сүрүлән Мисирин Милли Тәһлүкәсизлики илә бағлы олан бәзи мәсәләләри, Мисирдә “Ислами Хилафәт” адлы вәһһаби һөкүмәтинин бәрпасы үчүн хариҹи дөвләтләр илә ҹасуслуг зәмининдә етдиjи әмәкдашлығы бу иттиһамын бәзи мәгамларыдыр”.
Кечмиш Информасиjа Назири даһа сонра билдириб: “М. МурсининСуданда мүнагишәнин аловландырылмасындакы сәjләри, террорчу гүввәләрин Сина jарымадасында jерләшдирмәси, jералты түнелләр васитәси илә Гәззә Золағына дизел кими геjргануни әсас әмтәәләрин ҝөндәрмәси вә башлыҹа террорчулуғу һимаjә едән өлкәләр илә әмәкдашлығы чох асанлыгла сүбута jетәҹәк ҹинаjәтләрдир”.
Диггәт: Хәбәрдән истифадә етдикдә мәнбәjә истинад лазымдыр
