Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Јунаныстанын Серрес шәһәриндә 100 илдән артыг бош галан Зәнҹирли Мәсҹидин гапылары узун сүрән бәрпа-тикинти ишләриндән сонра иҹтимаиjjәтин үзүнә ачылыб. Ибадәтҝаһ Авропанын османлы дөнәминдән галан ән гәдим Мәсҹиди һесаб олунур. Һәләлик онун дини аjинләр үчүн истифадә едилмәси мүзакирә олунмур.
Османлы империjасынын мәшһур мемары Уста Синан тәрәфиндән әрсәjә ҝәлән Мәсҹид Ислам мемарлығынын мүкәммәл нүмунәсидир.
Мәсҹид ХVIII әсрин орталарында ҹидди бәрпа едилиб. 1913-ҹү илдә Балкан мүһарибәсиндән сонра Мәсҹид анбар кими истифадә олунуб.
Мәсҹид узун мүддәт бахымсыз һалда галыб. Һәтта онун дам өртүjү битки вә сармашыгларла өртүлүб.
“Мәсҹид бәрпадан өнҹә харабалыға чеврилмишди, бинанын һәр тәрәфиндән су дамырды”, - деjә архитектор Лила Сампанапулу геjд едиб.
Вәсаит олмадығы үчүн Мәсҹидин бәрпасы 10 ил чәкиб.
Тарихи абидәнин ачылышы Серрес шәһәринин азад олунмасынын 100 иллиjинә һәср олунуб. Мәсҹиддә “Серрес-2013” адлы фото сәрҝи кечирилиб. Зиjарәтчиләр 1913-ҹү илдә болгарлар тәрәфиндән Серрес шәһәринин дағыдылмасыны әкс етдирән шәкилләр илә таныш олуб.
Диггәт: Хәбәрдән истифадә етдикдә мәнбәjә истинад лазымдыр
