Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ватиканын Нүмајәндәси Нәҹәфи Әшрәфә сәфәр едиб. Сәфәр заманы нүмајәндә Нәҹәфи Әшрәфин Тәглид Мәрҹәләриндән бири сајылан һәзрәти Ајәтуллаһил Узма Шејх Һәсән Нәҹәфи илә јахындан ҝөрүш кечириб.
Ајәтуллаһ Нәҹәфи ҝөрүш заманы билдириб: “Ислам мәрһәмәт вә шәфгәт динидир. Ислам Дини бу ағылсыз “тәкфирчиләрин” чиркин әмәлләриндән узагдыр. Тәкфирчиләрин ҹинајәтләр төрәтдикләри “Ислам”ын, һәгигәтдә Аллаһ Тәала тәрәфиндән ҝөндәрилән Пак Ислам Дини илә һеч бир әлагәси јохдур”.
Дүнја Мүсәлманларынын тәглид Мәрҹәси олан Ајәтуллаһил Узма Шејх Һәсән Нәҹәфи Ватикан илә Шиә Елми Һөвзәси арасындакы әлагәләрин мөкәмләндирилмәсини вурғулајараг билдириб: “Һал һазырда Јахын Шәргдә фәалијјәт ҝөстәрән “тәкфирчиләр”, бүтүн дүнјада Ислам Динин ҝөздән салыблар. Вә онларын бу ишләри хариҹи амилләрин әлинә јени Исламафобиа далғасына старт вермәјә шәраит јаратды”.
Нәҹәфи Әшрәф Елми Һөвзәнин Бөјүк Устады даһа сонра Бәһрејн режиминин бу өлкә халг әлејһинә ишләтдији ҹинајәтләрә ишарә едәрәк вурғулајыб: “Хәлифә Сүлаләсинин Суријада дөјүшән террөрчулар илә һеч бир фәрги јохдур. Онлар өз милләтинә гаршы рәһимсиздирләр. Бу режим, өз вәтәндашларынын һүгугларыны ашкарҹасына позур вә онлара гаршы нәһајәт дәрәҹәдә гәддарлыгла зүлм едир”.
Ватиканын нүмајәндәси дә өз нөвбәсиндә билдириб: “Мән Ватиканын нүмајәндәси олараг Шиә Аләминин Тәглид Мәрҹәләри тәрәфиндән бу вәһшиликләрин арадан галдырылмасында ҝөстәрдикләри сәјләрдән тәшәккүрүмү билдирирәм”.
Ватикан Нүмајәндәси сонда дејиб: “Ислам Пејғәмбәринин (сәлләллаһу әлејһи вә алиһи вә сәлләм) зүһур етдији ҝүндән бу ҝүнә кими Мүсәлманлар илә христианлар бир бириләри илә раһат вә сәмими шәкилдә јашајыблар. Лакин бу бир груп Суријадакы адамјејән вәһшиләр, тәкҹә Мүсәлманлара гаршы дејил һәтта христианлара да рәһм етмирләр. Онлары чох әзаблы бир сүрәтдә гәтлә јетирирләр”.
Диггәт: Хәбәрдән истифадә етдикдә мәнбәјә истинад лазымдыр
