Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, геjригануни jоллар илә Бәһреjнә һаким кәсилмиш вәһаби әгидәли азғын “хәлифә сүлаләси”нин Сәуди Әрәбистанындан ҝәтиздирдиjи муздлу “гүввәләри” өлкәдәки Мәсҹидләри, мүгәддәс мәканлары вә Аллаһа ибадәт олунан jерләри дағдмагда давам едирләр. Азғын “хәлифә сүлаләсинин” ҝүҹ структурлары нөвбәти ҹинаjәтләриндә, артыг Әзиз Ислам Пеjғәмбәринин (сәлләллаһу әлеjһи вә алиһ) Бөjүк Сәһабәсинин мәзарыны дағытмағы планлашдырыблар.
Белә ки, азғын вәһһабиләр, Бәһреjнин Әскәр мәнтәгәсиндә jерләшән Әзиз Ислам Пеjғәмбәринин (сәлләллаһу әлеjһи вә алиһ) Бөjүк Сәһабәсинин “Сәсәә ибни Суһан”ын (ризвануллаһи тәала әлеjһ) мәзарына вә онун мәзары кәнарында jерләшән Аллаһ Тәаланын Евинә (“Сәсәә ибни Суһан” адына Мәсҹидә) jүрүш чәкәрәк Мәсҹидин вә Мәзарын дахилиндәки антик әшjалары оғурлаjараг, Сәһабәнин мәзарыны дағытмыш вә саир һөрмәтсизликләр етмишләр.
Бәһреjнә “хәлифә сүлаләси”нин бөjүк Шиә мүхалифтчиләриндән бири саjылан Бәһреjн әл-Вифаг Ислами вә сиjаси партиjасы, бу тарихи ҹинаjәти вә онун әсас иҹрачыларыны мәһкум едәрәк, бу ағыр һадисәнин Ислам Дининә вә Дүнjа Мүсәлманларына гаршы тәһгир саjылдығыны геjд едәрәк билдириб: “хәлифә сүлаләси Мәсҹидләри вә Бөjүк Ислами Мәзарлары дағыдыб виран етмәклә, өзүнүн Мүсәлманлара гаршы олан нифрәт вә дүшмәнчилиjини бир даһа ашкар етди”.
Бәһреjн әл-Вифаг партиjасы вердиjи ачыгламада даһа сонра билдириб: “Режимин бу мәнфур тәдбирләриндән мәгсәди jалныз Бәһреjн Ингилабчы халгынын емосиjаларына тохунмагдыр. Бу режим, Шиәләрин Мүгәддәс мәканларына, Мәсҹидләринә һөрмәтсизлик етмәклә, онлардан интигам алмаг фикриндәдир”.
Геjд едәк ки, вәһһаби әгидәли “хәлифә сүлаләсинин” муздлу әскәрләри артыг бир мүддәтдир ки, Бәһреjн Шиәләрини Әскәр мәнтәгәсиндә jерлшән Даһи Ислам Пеjғәмбәринин (сәлләллаһу әлеjһи вә алиһ) Бөjүк Сәһабәси Сәсәә ибни Суһанын (ризвануллаһи тәала әлеjһ) мәзарыни зиjарәт етмәjә вә Сәсәә ибни Суһан (ризвануллаһи тәала әлеjһ) адына Мәсҹиддә намаз гылыб ибатәт етмәjә иҹазә вермирләр. Һәтта азғын “хәлифә сүлаләсинин” Аллаһсыз мәмурлары Мәсҹид вә Мәгбәрәнин хадимини, онун аjагларыны кәсәҹәкләри илә һәдәләjәрәк бир даһа бураjа ҝәлмәмәсини тәләб едибләр!
Билдирәк ки, Әзиз Ислам Пеjғәмбәринин (сәлләллаһу әлеjһи вә алиһ) Бөjүк Сәһабәләриндән бири олан Сәсәә ибни Суһанын (ризвануллаһи тәала әлеjһ) мәзарынын вә онун адына олан Мәсҹидин тикилиш тарихи 1000 ил өнҹәjә тәсадүф едир. Вә бу тарихи әсәр Бәһреjн Шиәләринин гәдимилиjини бир даһа сүбут едән ашкар вә олдугҹа дәjәрли бир сәнәддир. Елә бу сәбәбдән дә артыг үч илдир ки, “хәлифә сүлаләси” бу мүгәддәс мәканы һәдәфә алараг дағытмаг фикриндәдир.
Диггәт: Хәбәрдән истифадә етдикдә мәнбәjә истинад лазымдыр
