Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjада Халг вә Һөкүмәт гүввәләри тәрәфиндән ардыҹыл ағыр зәрбәләрә мәруз галан вә бир биринин ҹанына дүчар олмуш Аллаһсыз “тәкфирчиләр-сәләфиләр” чыхыш jолу тапмаг үчүн мүхтәлиф васитәләрә (һәтта Аллаһ Тәаланын һарам буjурдуғу ишләрә белә) әл атырлар. Белә ки, бу ҝүнләрдә азғын “нүсрә” ҹинаjәткар груплашманын командирләриндән бири вәзиjjәтин ҝәрҝин олдуғуну ҝөрдүкдән сонра, өзүнү гадын симасына салараг Суриjадан гачмаг истәjирмиш.
Јараглы груплашмалар арасында баш верән сон гаршыдурмалар заманы “нүсрә” командирләриндән бири гадын кими бәзәнәрәк, мәрәкәдән гача билсә дә, лакин Суриjа Милли Ордусунун кечид мәнтәгәсинин бириндә jахаланмышдыр.
Мәлумата әсасән, әjнинә гадын либасы ҝеjинмиш, үзүнү пудраламыш, гашларыны алмыш вәһаби “командири” Ҹусиjjә мәнтәгәсиндәки jохланыш мәркәзиндә әлә кечиб.
Үздәнираглар тәкин өзүнү гадынлара охшадан вә әслән Иорданиjанын Зәрга шәһәр сакини олан, Суриjада jахаланмыш азғын “нүсрә” ҹинаjәткар груплашманын Риггә бөлҝәсиндәки “командир”инин ады Әбу Әнәс әл-Сәһабәдир.
Геjд едәк ки, бу һәмин үнсүрдүр ки, бир мүддәт өнҹә Риггә шәһәриндә оларкән билдириш jаjараг, демишдир: “Риггә сакинләриндән һәр ким әрзаг әлдә етмәк истәjирсә ҝәрәк өз һәjат jолдашыны нүсрә ҹәбһәсинин гүввәләринә тәгдим етсин”.
Билдирмәк лазымдыр ки, Ираг Тәһлүкәсизлик Назирлиjинин вердиjи ачыгламаjа ҝөрә, гондарма “Ираг вә Шам Ислам Дөвләти” адлы ҹинаjәткар сәләфи-тәкфирчи үнсүрләри Ираг Силаһлы Гүввәләри әлиндән гачыб ҹанларыны гуртармаг үчүн “бығ” вә “саггалларыны” гырхараг, гадын либасы ҝеjинирләр. Артыг бу зәминдә террорчу гүввәләр бир чох гадын ҝеjимләринә мәхсус мағазалары гарәт едибләр.
Диггәт: Хәбәрдән истифадә етдикдә мәнбәjә истинад лазымдыр
