Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Теһранын бу һәфтәки Ҹүмә Намазына Рәһбәрлиjи Аjәтуллаһ Мувәһһиди Кермани ҹәнаблары едиб.
О, сөзләринин әввәлиндә Имам Хомеjниjә (рәһмәтуллаһи әлеjһ) олунан тәһгирдән сонра Гум шәһәринин әһалисинин гиjам етмәсиндән сөз ачараг, халгын өз Лидерини мүдафиәсинин тәгдирәлаиг һал олдуғуну билдириб.
Хәтиб, Иранын шаһлыг тарихинә ишарә едәрәк деjиб: “Нә чәтин ҝүнләр бизә үз ҝәтирмишди. Кишиләримиз һиҹабын гадаған олунмасыны унутмаjыблар. О хатирәләри һеч унутмурам. Пәһләви полисләри меjдана ҝәләрәк, гадынлара һүҹум едиб чадраларыны ачыб ҹырырдылар. Онлар өлкәни Исламдан узаглашдырмаг үчүн һиҹабын арадан ҝетмәсинә чалышырдылар. Истәjирдиләр өлкәдә руһаниjjәт, динисимволизә едән әламәтләр аз ҝөрүнсүн.”
О, сөзләринин давамында Ислам адына ләкә ҝәтирмәjи һәдәфләjән екстермизмин jаjылмасына, терорчуларын әмәлләринә дә тохунараг билдириб: “Бу тәкфирчиләр һардан чыхды? Тәблиғатла ҹаванларын беjинләрини jуjур вә интиһар едәрәк диҝәр мүсәлманарын да һәjатына сон гоjурлар. Бу jолла онлар ҹәннәтә ҝетмәк ниjjәтиндәдирләр? Иш о jерә ҝәлиб чатыб ки, террорчуларын ән бөjүк дәстәкчиләриндән олан Сәудиjjә әрәбистаны о гәдәр азғынлашыб ки, Русиjа президенти БМТ-дән Сыудиjjә Әрәбистаныны терор тәшкилатына салмағы тәләб едир. Онлар Һиҹазы, Мәккә вә Мәдинәни ишғал етдикдән сонра өзләрини Исламын мәркәзи олараг тәгдим едирләр. Амма Аллаһ шаһиддир ки, онлар Ислам ады алтында Аллаһ евинин әтрафында нә ишлә мәшғулдурлар”
Ҹүмә хәтиби һәмчинин Ҹеневрәдә кечирилән Иран илә 5+1 өлкәләри арасындкы мүзакирәләрдән дә данышыб: “Халг һәлә дә бу мүзакирә илә бағлы мүхтәлиф фикирләр сәсләндирир. Бу мүзакирәләрдә хүсуси диггәт едилмәси ҝәрәк мәсәләләр бунлардыр ки, Ингилабын дәjәрләри горунурму? Исламын иззәти артырмы? Нәләрдән кечдик вә нәләр әлдә етдик? Бу садаладыгларым дәгиг мүһасибә олунмалыдыр.
Бу мүзакирәләр там шәффаф шәкилдә кечирилдими? Һәр заман jадда сахламаг лазымдыр ки, Америка бөjүк гулдурдур вә мүзакирәләрдә дә бу ҹүр олуб.рә масасында гумарбаз гулдур кими отурур. Онун һәдәфи Исламла дүшмәнчиликдир.
Бу сәбәбдән дә Иранын мүзакирәләрдәки дипломатик һеjjәтинин ҝөстәрдиjи сәjләрин арадан ҝетмәмәси үчүн чох диггәтли олмалыjыг.
Дүшмән тәбәссүм етсә дә дүшмәндир вә биз ҝәрәк еһтиjатлы олаг. Рәһбәримиз Аjәтуллаһ Хаменеининдә буjурдуғу кими, дүшмәнин jаланчы ҝүлүшләринә алданмамалыjыг. Мән өз нөвбәмдә бу һеjәтә миннәтдарлығымы билдирирәм. Шүкр олсун ки, халгымыз гәтиjjәтли фикирләр вә сөзләрә гулаг асырлар. О да Аjәтуллаһ Хаменеинин сөзләридир.”
О, Суриjада төрәдилән ҹинаjәтләрә дә тохунараг “Шүкр олсун ки, Суриjа дөвләти бир чох тәкфирчини мәһв едәрәк ирәлләjә билиб. Аллаһ бу әзизләримизә сон пилләjә гәдәр ҝетмәjә jардымчы олсун. Лакин Ирагда да сон заманлар бу груплар чохалмагдадыр вә бу өлкәнин дә әмниjjәтини позмаға чалышырлар. Медиа илә, иҹтимаиjjәтлә әлагәдә олан руһаниләримиз бу групларын әсас маһиjjәтини инсанлара чатдырмалыдырлар.
Амма сон ҝүнләр тәкфирчиләрин өз арасында фикир аjрылыглары баш вермәкдәдир. Аллаһ заманын Имамына (ә.ф) хатир онларын һамысыны мәһв етсин.”
Аjәтуллаһ Кермани сонда имам Һәсән Әскәри (ә)-ын шәһадәти ҝүнү илә бағлы бүтүн мүсәлманлара башсалығы вериб.
Диггәт: Хәбәрдән истифадә етдикдә мәнбәjә истинад лазымдыр
