Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Масаллы раjонунда ШӘРЛӘНӘРӘК һәбс олунан 8 Исламчы Ләнкәран Ағыр Ҹинаjәтләр Мәһкәмәсинин апрелин 5-дә чыхардығы һөкмдән апеллjасиjа шикаjәтинә сабаһ jанвар аjынын 9-да саат 16:00 да Ширван Шәһәр Апеллjасиjа Мәһкәмәсиндә бахылаҹаг.Верилмиш апеллjасиjа шикаjәтиндә мәһкәмәнин һөкмү гәрәзли һесаб едилир, тутуланлара бәраәт истәнилир.
Хатырладаг ки,Масаллы диндарлары вә Исламчы Журналист Араз Гулиjев өтән ил сентjабр аjында Масаллы раjонунда бәднам “евровисион2012” фәсад мүсабигәсинин мини формасы олан беjнәлхалг фолклор фестивал чәрчивәсиндә һәjата кечирилән, Азәрбаjҹан минталитетинә уjғун олмаjан, позғун тәдбирин позулмасына ҹәһд ҝөстәрмәк, дырнагарасы “динҹ сакинләрә” вә “полис әмәкдашына” хәсарәт jетирмәк иттиһамы илә ШӘРЛӘНӘРӘК тутулублар. Исламчы Журналист Араз Гулиjев 8, Халид Казымов 8, Зиjа Таһиров 7, Рза Ағалы 7, Сураҹ Ағаjев 5, Ниҹат Әлиjев вә Намиг Кишиjев 4 ил 6 аj мүддәтинә азадлыгдан мәһрум едилиб. Вүсал Гулиjевә исә 3 ил 6 ҝүн шәрти ҹәза верилиб. Исламчы журналист Араз Гулиjев она гаршы ирәли сүрүлмүш иттиһамларла разы олмадығыны билдириб, һәбсинин журналист фәалиjjәти вә диндар олмасы илә изаһ едиб.
Геjд едәк ки, өтән мәһкәмә просес көмәкчи һакимләрдән бири мәһкәмәjә ҝәлмәдиjи үчүн тәхирә салынмышды.
Диггәт: Хәбәрдән истифадә етдикдә мәнбәjә истинад лазымдыр
