Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Нjу-Јоркда кечирилән мәтбуат конфрансында БМТ-нин мәтбуат катибинин мүавини Фәрһан Һак билдириб: “30 дөвләтин вә 3 тәшкилатын нүмаjәндә һеjәтләри Суриjа илә бағлы Монтрө вә Ҹеневрәдә кечириләҹәк беjнәлхалг конфрансда иштирак етмәк үчүн дәвәт алыб.”
Онун сөзләринә ҝөрә, дәвәтлиләрин сиjаһысы Русиjа, АБш вә БМТ нүмаjәндәләринин ҝөрүшүндә ачыгланыб. Дәвәт олунан тәшкилатлар Әрәб Дөвләтләри Лигасы, Авропа Бирлиjи вә Ислам Әмәкдашлыг Тәшкилатыдыр.
Беjнәлхалг конфрансда БМТ Тәһлүкәсизлик Шурасынын 5 даими үзвүндән башга, Әлҹәзаир, Бразилиjа, Алманиjа, Данимарка, Мисир, Һиндистан, Индонезиjа, Иорданиjа, Ираг, Испаниjа, Италиjа, Канада, Гатар, Күвеjт, Ливан, Мәракеш, Норвеч, БӘӘ, Оман, Сәудиjjә Әрәбистаны, Түркиjә, Исвеч, Исвечрә, ҸАР вә Јапониjа да иштирак едәҹәк.
Иран Ислам Республикасынын конфрансда иштиракы мәсәләси jахын вахтларда мүәjjәнләшәҹәк. Јанварын 22-дә Монтрөдә ишә башлаjаҹаг беjнәлхалг конфранс jанварын 24-дә Ҹеневрәдә Суриjа һөкумәти вә мүхалиф груплар арасында кечириләҹәк данышыгларла давам едәҹәк.
Диггәт: Хәбәрдән истифадә етдикдә мәнбәjә истинад лазымдыр
