Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бир нечә ҝүндүр Түркиjәдә баш назир Рәҹәб Таjjиб Әрдоғана ҝәлән “сүлһ мәктубу” мүзакирә олунур. Мәктуб мәсәләси баш назирин jанварын 4-дә 40-а jахын медиа мәнсубуну сәһәр jемәjинә дәвәт едиб, онларла сон олаjлары мүзакирә едәркән ортаjа чыхды. Лакин һәмин ҝөрүшдә Әрдоған мәктубун кимдән ҝәлдиjи вә ичәрисиндә нәләрин jазылдығы барәдә һеч бир ачыглама вермәди. Журналистләрин “Мәктуб Фәтуллаһ Ҝүләндәнми ҝәлди?” суалыны исә баш назир ҹавабсыз гоjду. Амма чох кечмәмиш мәлум олду ки, мәктуб елә Фәтуллаһ Ҝүләндән ҝәлиб. Лакин еһтимал едилдиjи кими, Әрдоғана jох, президент Абдуллаһ Ҝүлә. Садәҹә, орада Әрдоғана да үнванланан бәзи мәгамлар jер алыб.
Ҝүл адамларыны Ҝүләнин гәбулуна ҝөндәриб
Мәктубла бағлы бүтүн гаранлыг мәгамлар Фәтуллаһ Ҝүләнә мәхсус “Һеркул.орҝ” саjтында jаjылан ачыгламадан сонра ортаjа чыхды. Мәктуб 17 декабрда башлаjан вә Түркиjәни силкәләjән “бөjүк рүшвәт” әмәлиjjаты вә бу олаjларда “Ҝүлән ҹамаатынын” адынын һалландырылмасы, иттиһамлара туш ҝәлмәси илә бағлы иди. Ҝүләнин мүәллифи олдуғу мәктубда әввәлҹә о геjд олунур ки, президент Ҝүл мәлум олаjлар әтрафында мүбаһисәләрин бөjүмәсини өнләмәк үчүн фәргли кәсилмләрлә ҝөрүшүб мәсләһәт алмағы, о ҹүмләдән Фәтуллаһ Ҝүләнин дә мөвгеjини өjрәнмәjи ваҹиб саjыб. Бу мәгсәдлә дә фикирләрини билдирмәси үчүн декабрын 21-дә өз адамларыны Ҝүләнин jанына ҝөндәриб. Һәмин адамлар Ҝүләнлә сөһбәт заманы ондан Анкараjа мөвгеjини jазылы шәкилдә чатдырмағы хаһиш едибләр. Фәтуллаһ Ҝүлән дә мәктубла ачыгламағы даһа мәгсәдәуjғун саjыб. Ҝүлән мәктубун әввәлиндә дәрсанәләр мәсәләсинә тохунараг онларын мөвҹудлуғунун Түркиjә үчүн фаjдасындан, гападылма гәрарынын исә jанлыш олмасындан бәһс едиб. Бунунла белә, дәрсанәләрлә бағлы ондан мүгавимәт ҝөстәрмәjи тәләб едәнләрә “Сүлһ тәрәфдары олаҹағымыза вә әлимиздән ҝәлдиjи гәдәр һәр кәси сүкунәтә чағыраҹағымыза әмин олун” месажыны вердиjини хатырладыб. Ҝүлән һәр фүрсәтдә чеврәсинә “Ҝәлин, ҝүндәлик олаjларла башымызы гатмаjаг, иманымызы дәринләшдирмәjә вә хидмәтләримизи давам етдирмәjә чалышаг” төвсиjәсини вердиjини дә билдириб.
“Кимәсә әмр вермәмишәм, мәмурлары сәфәрбәр етмәмишәм”
Ф.Ҝүлән билдирир ки, дөвләтин фәалиjjәтилә бағлы әмр вермәк, мүдахилә етмәк вә мәмурлары һансыса аддыма сәфәрбәр етмәк кими, ҹәһдләр ҝөстәрмәjиб. Лакин бунун мүгабилиндә бәзи медиа органлары гараjахма кампаниjасы апарыблар вә бәзи һалларда да етик һәдләри ашыблар. Ҝүлән президент Ҝүлүн бу кампаниjаны даjандырмаг үчүн әлиндән ҝәләни едәҹәjинә үмидвар олдуғуну билдириб. Вә геjд едиб ки, әмәлиjjат чәрчивәсиндә өз вәзифәләрини һәjата кечирән бәзи мәмурлара гаршы jарадылан манеәләри тәәссүфлә изләjиб: “Дөвләт мәмурларынын үзәринә ҝедиб вәзифәләрини jеринә jетирмәjә имкан вермәмәк вә һеч бир ҝүнаһлары олмаjа-олмаjа ҹәзаландырмаг jолверилмәздир. Мән вә севәнләрим буну сүкутла гаршыласаг белә, мәшһәри виҹдан сусмаjаҹаг”.
“Бу аjры-сечкилиjин гаршысы алынмаса...”
Ҝүлән бу олаjлар заманы һагсызлыға мәруз галан бир чох инсанла ҝөрүшдүjүнү, лакин онларын һеч бирини кимәсә гаршы jөнләндирмәдиjини, садәҹә, сәбрли олмағы төвсиjә етдиjини билдириб: “Әҝәр бу аjры-сечкилиjин гаршысы алынмаса, сабаһ башга вәзифәләри тутанлар да еjни мүнасибәтлә үзләшәҹәкләр”.
Фәтуллаһ Ҝүлән мәктубунда гаршыдакы сечкиләрә дә ишарә едәрәк АКП һакимиjjәтини дәстәкләjәҹәкләринин месажыны вериб: “Мән вә севәнләрим дүнән һансы сырада jер алмышыгса, jахынлашан сечим мәрһәләсиндә дә еjни jердә олаҹағыг. Мән һәр заман сүлһ вә һүзурун, бирлиjин jанында jер алмышам вә севәнләримә дә буну тәшвиг етмишәм. Бу jашымда башга бир севда, дүшүнҹә вә ниjjәтим ола билмәз. Тәрәфдарларыма вә достларыма бундан сонра да бу дедикләрими төвсиjә едәҹәк, һүзурун бәргәрар олмасы үчүн әлимдән ҝәләни әсирҝәмәjәҹәм. Һәр заман сүлһүн дәстәкчиси олаҹам”.
О да мәлум олуб ки, Фәтуллаһ Ҝүлән мәктубла бирликдә Әрдоғана ики имзалы китабыны да ҝөндәриб вә баш назирә хош арзуларыны чатдырыб.
“Ле Монде”: “Јаранмыш сиjаси бөһрандан ән чох Ҝүл jарарлана биләр”
Франсанын мәшһур “Ле Монде” гәзети өз сәһифәсиндә нөвбәти дәфә Түркиjәдәки сон олаjлара jер аjырыб. Гәзет jазыр ки, узун мүддәт баш назир Әрдоғанын көлҝәсиндә галан президент Ҝүл сон аjлар онун әсас рәгибинә чеврилиб. Јазы мүәллифинин фикринҹә, Түркиjәни сарсыдан “бөjүк рүшвәт әмәлиjjаты” илә бағлы Ҝүллә Әрдоғанын мөвгеjи бир-биринә там зиддир: “Бири сәһнәни монополиjаjа алыб, митингдән-митингә гачыр вә ону jыхмаг үчүн тәлә гурулдуғуну дилә ҝәтирир. О бири дә Чанкаjадакы президент игамәтҝаһындан сакитләшдириҹи вә үзәриндә чох дүшүндүjү бир фикри дилә ҝәтирмәк үчүн чыхыр. Баш назир әтрафынын һәдәф алындығы иттиһамлара гаршы әкс-һүҹума кечәркән, президент сакит шәкилдә уjғун заманы ҝөзләjир. Јүксәлишини сеjр етдиjи һөрмәтли Әрдоғанын узун мүддәт көлҝәсиндә галан Ҝүл сон аjларда онун ән ҹидди рәгибинә чеврилиб. АКП-нин игтидара ҝәлдиjи 2002-ҹи илдән бу jана ҝөрүнмәмиш бу сиjаси бөһрандан ән чох jарарланан да мәһз Ҝүл ола биләр”.
Гәзет 31 декабр ҝеҹәси Әрдоғанын халг гаршысында сәрт бир чыхыш етдиjини, Ҝүлүн исә “модератор” гисминдә ҝөзә дәjдиjини хатырладыб.
Бу арада, президент Ҝүл нөвбәти дәфә “бөjүк рүшвәт әмәлиjjаты” илә бағлы jерли журналистләрин суалларыны ҹавабландырыб. Ҝүл билдириб ки, коррупсиjа вә рүшвәт һаллары варса, прокурорлуг вә мәһкәмә буну мүтләг арашдырыб үзә чыхармалыдыр. Әкс һалда, коррупсиjа дөвләти ичиндән чүрүдә биләр. Сон баш верәнләрин Ҝәзи паркы олаjлары илә һәр һансы әлагәсинин олуб-олмамасына ҝәлинҹә, президент бу ики һадисә арасында паралеллик ҝөрмәдиjини деjиб. Гаршыдакы сечкидә намизәдлиjини ирәли сүрүб-сүрмәjәҹәjи илә бағлы суалы исә Ҝүл “Бу барәдә данышмаг һәлә чох тездир, заманла һәр шеj мүәjjәнләшәҹәк” деjәрәк ҹавабландырыб.
“Бир дашла гәтлиам етмәк истәдиләр”
Баш назир Әрдоған исә халгла сон ҝөрүшләриндә jенә бәзи прокурорларын үнванына иттиһамлар сәсләндириб: “Бу неҹә прокурордур ки, ифадә вермәjә ҝәлән адама ”Ыки дәгигә вахтын вар, ифадәни вер, чых" деjир. Үстәлик, “Әфәндиләринизә деjин, ҝәлиб сизи хилас етсинләр” әлавәсини едир. Белә дә прокурор, белә дә арашдырма олар? Һәмишә демишәм, инди дә тәкрар едирәм, бу, милләтин ирадәсинә гаршы оjнанылан оjундур. Бир дашла бир гуш вурмадылар. Бир дашла гәтлиам һәjата кечирмәjә чалышдылар".
Диггәт: Хәбәрдән истифадә етдикдә мәнбәjә истинад лазымдыр
