Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, сон аjлар Малазиjада дөвләт сәвиjjәсиндә Шиәфобиа сиjасәтләринә старт верилиб. Белә ки, өтән һәфтә Малазиjада бөjүк сиjаси партиjа саjылан “Малазиjа Бирләшмиш Милләтләр Тәшкилаты (УМНО Јоутһ)” партиjасынын ҝәнҹләр шөбәси, Малазиjа парламентинин диҝәр нүмаjәндәләринә мүраҹиәт едәрәк, Федерал өлкәнин ганун әсасларында Малазиjада jалныз Әһли Сүннәт мәзһәбинин давамчыларынын рәсми Мүсәлман кими танынмасыны тәклиф едиб.
“Малазиjа Бирләшиш Милләт Тәшкилаты (УМНО Јоутһ)” партиjасынын ҝәнҹләр шөбәсинин нүмаjәндәси иддиа едиб ки, ганунда апарылан ислаһатлар сырф Ислам Динин Шиә хәтәриндән аманда сахланылмасы үчүндүр.
Лакин бу һадисәдән сонра Малазиjа зиjалылары вә шәхсиjjәтләри арасында белә мүртәҹе вә анти-Ислам лаjиһәләрә гаршы етиразлар ҝүнү-ҝүндән ҝенишләнмәкдәдир.
Белә ки, Малазиjанын сиjаси хадимләриндән бири олан ханым Дjана Софиjа бәjанат jаjымлаjараг, Малазиjада ҝенишләнмәкдә олан Шиәфобиа сиjасәтләрини кәскин мәһкум едәрәк, бу анти-Шиә ҹәрәjанын мәһз дөвләт грумлары тәрәфиндән дүшүнүлмүш сүрәтдә меjдана атылараг, өлкәдә ҝүнү ҝүндән артмагда олан сосиал проблемләри халг күтләсинә унутдурмаг мәгсәди илә һәjата кечирилдиjини билдириб.
Малазиjалы сиjаси хадим, ханым Дjана Софиjа деjиб: “Һазырда Шиәләрлә бағлы мәсәлә Малазиjа халгынын диггәтини өзүнә ҹәлб едиб. Белә ки, бу лаjиһә Малазиjа халгынын ҝүндәлик ағыр jашаjыш хәрҹләринин өһдәсиндән неҹә ҝәләҹәкләри проблеми үзәринә лазым һәддә көлҝә салыб”.
О, даһа сонра билдириб: “Дахили Ишләр Назири “Әһмәд Заһид Һәмиди” бир нечә ҝүн өнҹә елан етди ки, Шиәләр илә мүбаризә апармаг мәгсәди илә “Шәриәт Полиси” адлы хүсуси тәjинатлы груп jарадаҹаг”.
Малазиjа зиjалы ханымларындан олан Дjана Софиjа даһа сонра Дахили Ишләр Назирин сөзләринә тәнә илә ҹаваб верәрәк билдириб: “Онлар, әлбәтдә бир мәсәләни унудублар ки, Малазиjада чохлу саjда беjнәлхалг тәләбәләр тәһсил алырлар. О ҹүмләдән бу тәләбәләр дахилиндә әксәриjjәти Иран Ислам Республикасындан олан Шиә тәләбәләр тәшкил едир”.
Диггәт: Хәбәрдән истифадә етдикдә мәнбәjә истинад лазымдыр
