Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бакыда Нефт Дашлары Мәсҹиди, Јасамал Раjон Мумәммәд Пеjғәмбәр адына Мәсҹидин әлиjевләр режими тәрәфиндән виран едилдикдән сонра Лерик раjонунун Пештәтүк кәнд сакинләри өз шәхси һесабларына тикдикләри Мәсҹид Лерик раjон иҹра башчысы Рөвшән Бағыровун сәрәнҹамы илә виран едилир.
Пештәтүк кәнд сакинләринин шәхси һесабларына тикилән Мәсҹидин раjон иҹра башчысынын сәрәнҹамы илә сөкүлмәсинә етиразларыны билдирсәләр дә, лакин мөвҹуд анти-Ислам режимин нүмаjәндәләри бу бөjүклүкдә мәсәләjә ганун дону ҝеjиндирмәк мәгсәди илә геjриобjектив изаһлар верибләр.
Белә ки, Лерик Раjон Иҹра Һакимиjjәти башчысы jанында Дини ишләр үзрә комиссиjанын катиби Әлипәнаһ Баjрамов деjиб: “Мәлумат үчүн билдиририк ки, 03 декабр 2013-ҹү ил тарихдән Лерик Раjон Иҹра Һакимиjjәти башчысынын гәбулунда олан Пештәтүк кәнд сакинләри Ағавердиjев Ханһүсеjн вә Әһәдов Баһадыр кәнддә мәсҹид тикинтиси илә бағлы мүраҹиәт етмишләр. Раjон иҹра һакимиjjәтинин башчысы онлара билдириб ки, вәтәндашларын мәсҹид тикинтиси үчүн нәзәрдә тутдуглары jер Пештәтүк кәнд мәктәбинин саһәсидир. Кәнд мәктәбинин бинасы гәза вәзиjjәтинә дүшдүjү үчүн мәктәб раjон истеһлак ҹәмиjjәтинә мәхсус бинада фәалиjjәт ҝөстәрир. Һәмин саһәдә ҝәләҹәкдә кәнд мәктәби үчүн jени бинанын тикинтиси нәзәрдә тутулуб. Бундан әлавә онлара изаһ едилиб ки, “Дини етигад азадлығы һаггында” Азәрбаjҹан Республикасынын Ганунунун 29-ҹу маддәсинин 11-ҹи абзасында нәзәрдә тутулмуш дини ибадәт jеринин тикинтиси вә мөвҹуд дини ибадәт jеринин jенидән гурулмасы мәгсәдәуjғунлуғу барәдә Азәрбаjҹан Республикасы Дини Гурумларла Иш үзрә Дөвләт Комитәси тәрәфиндән рәjин верилмәси гаjдалары мүәjjән едилиб. Өнҹә мәсҹид тикмәк истәjән физики вә һүгуги шәхсләр рәj алмагдан өтрү ДГИДК-нә әризә илә мүраҹиәт етмәлидирләр.
Мөвҹуд тәлимата әсасән дини ибадәт jеринин тикинтиси вә jа бәрпасы илә әлагәдар мүраҹиәт едән физики вә jа һүгуги шәхсләр ашағыдакы сәнәдләри һазырладыгдан сонра разылыг үчүн мүвафиг дөвләт органына тәгдим етмәлидир.
* әризәчи физики шәхс олдугда онун ады, соjады, атасынын ады, jашадығы jер, шәхсиjjәт вәсигәсинин сурәти;
* әризәчи верҝи өдәjиҹиси олан физики шәхс олдугда верҝи органларында учота алынмасыны тәсдиг едән сәнәдин сурәти;
* тикилән дини ибадәт jеринин тикинтиси үчүн аjрылмыш торпаг саһәсинин мүвафиг сәнәди;
* обjектин планы, иншаат паспорту, ҝөрүләҹәк ишләрә даир чертjожлар, лаjиһә-смета сәнәдләри, мүһәндис-коммуникасиjа хәтләринә гошулманын шәртләри;
* дини ибадәт jеринин тикинтисинин малиjjә мәнбәләри һаггында мәлумат;
Бүтүн бу шәртләр “Дини етигад азадлығы һаггында” Азәрбаjҹан Республикасынын Ганунунун тәләбләринә уjғун олараг, Әдлиjjә Назирлиjи тәрәфиндән тәсдиг едилмиш “Дини ибадәт jеринин тикинтисинин вә мөвҹуд дини ибадәт jеринин jенидән гурулмасыны (бәрпасынын, әсаслы тәмиринин) мәгсәдәуjғунлуғу барәдә рәj верилмәси һаггында” Тәлимата әсасән олмалыдыр. Тәлиматын тәләбләринә уjғун олараг геjд олунан сәнәдләр топландыгдан сонра дини обjектин тикинтиси вә jа бәрпасына Дини Гурумларла Иш үзрә Дөвләт Комитәсиндә jарадылмыш Шурада бахылыр вә мүвафиг гәрар верилир. Ҝөрүндүjү кими, Пештәтүк кәнд сакинләри Ганунун тәләбинә мәһәл гоjмадан мәктәб бинасынын jериндә ганунсуз тикинти ишләринин апарылмасына ҹәһд ҝөстәрмишләр. Јалныз jерли иҹра нүмаjәндәсинин мүдахиләсиндән сонра онлар раjон иҹра һакимиjjәтинә мүраҹиәт етмиш вә раjон иҹра һакимиjjәти тәрәфиндән Ганунун тәләбләри онлара изаһ едилиб".
Лерик раjонун Зилләт Мәҹлисдәки депутаты Игбал Мәммәдов да, раjондакы Мәсҹид галмагалына белә “аjдынлыг” ҝәтириб: “Пештәтүк кәндиндә Мәсҹид олмаjыб. Садәҹә, сонунҹу дәфә сентjабр аjында ҝүҹлү jағышлар jағандан сонра, мәктәбин бир һисәси учуб. Һәмин мәктәб учуланда мән дә орда идим. Һәтта биз орда ики синфи бош мағаза варды, ора jерләшдирдик. Мәктәбдә дәрсләрин кечирилмәсинин геjри-мүмкүн олмасы һаггында Тәһсил Назирлиjинә вә Назирләр Кабинетинә мүраҹиәт еләдик ки, ҝәлән илин планына бурда мәктәб тикилиши дә салынсын.
Сакинләр мәктәбин учулан һиссәсинин jерини һамарлаjыблар. Даһа доғрусу, иҹра башчысы мәзуниjjәтдә оланда сакинләр бүнөврә төкүб Мәсҹид тикмәк истәjибләр. Иҹра Һакимиjjәти дә мәсәләдән хәбәр тутандан сонра тикинтини сахлаjыб ки, бурда мәктәб тикиләҹәк. Белә олмаз ахы! Мәктәбин учулан һиссәсини ҝөтүрүб Мәсҹид тикмәк истәjибләр. Бу адамлар иҹра башчысынын гәбулунда да олублар. Иҹра башчысы деjиб ки, Мәсҹид тикмәк истәjирсинизсә, Дини Комитәдән иҹазә алынмалыдыр, кәндин башга тәрәфиндә о да дахили имканлар һесабына тикинтиjә көмәк едә биләр. Дағылан мәктәбин jериндә исә нәзәрдә тутулуб ки, jаjда тәһсил оҹағы тикиләҹәк. Онунла әлагәдар бу өзбашына тикинтиjә иҹазә верилмәjиб. Ганунсуз олдуғу үчүн тикинти даjандырылыб. Бунунла әлагәдар бу ҝүнләрдә Президент Администрасиjасына да, Дини Гурумларла Иш үзрә Дөвләт Комитәсинә дә хәбәр верибләр ки, бәс белә бир мәсәлә вар. Ганунлары билирсиниз ки, өзбашына Мәсҹид тикилмир. Сакинләр истәjибләр мәктәбин jериндә Мәсҹид тиксинләр. Иҹра башчысы деjир “мән онлара сөjләмишәм ки, кәндин башга бир jериндә Мәсҹид тикмәjә jардым едәҹәм, амма Дини Комитәдән бунунла бағлы кағыз истәjирәм”. Ким истәмәз ки, кәнддә Мәсҹид тикилсин. Садәҹә, jери дүзҝүн сечмәjибләр. Пештәтүк кәнди 20-30 евдән ибарәтди”.
Дини Гурумларла Иш үзрә Дөвләт Комитәсинин Талыш бөлҝәси үзрә шөбә мүдири Гағаjы Мәммәдов исә белә билдириб: “Адычәкилән кәнддә тикинтиси баша чатмагда олан Мәсҹид кими тәгдим едилән тикили мәктәб бинасы үчүн нәзәрдә тутлмуш әразидәдир вә садаҹә өзүлдән ибарәтдир.
Раjон Иҹра Һакимиjjәти тәрәфиндән кәнд сакинләринә һәмин әразинин мәктәб бинасынын тикинтиси үчүн аjрылдығы билдирилмиш вә ганунвериҹилиjә уjғун олараг башга әразидә Мәсҹид тикинитиси үчүн мүраҹиәт едилмәси тәклиф олунмушдур.
Г.Мәммәдов һәмчинин кәнд сакинләринә ибадәт евләринин тикинтиси илә бағлы мүвафиг тәлиматы вә онун изаһыны вердиjини геjд едиб. Гағаjы ону да әлавә едиб ки, Мәсҹидин тикинтисинә jалныз мүвафиг гаjдада рәj алындыгдан сонра башланыла биләр.
P.S: Бу “ачыгламалары” охудуғу заман бир чох суаллар меjдана чыхыр.
Әввәлә Мәсҹидин тикинтиси әҝәр кағыз үзәриндәки “гануна” уjғун олмаjыбса, адиатлы органлар тәрәфиндән зәһмәт чәкиләрәк кағыз верилсин вә Мәсҹидин тикинтиси “гануниләшсин”.
Икинҹиси, зилләт вәкили “Пештәтүк кәнди 20-30 евдән ибарәтди” дедикдә мәгсәди нәдир? Јәни ҝөрәсән демәк истәjир ки, геjд олунан кәнд ҹамаатына Мәсҹидми лазым деjил?
Үчүнҹүсү, әҝәр мәсәлә Игбал Мәммәдовун дедиjи кими “Сакинләр мәктәбин учулан һиссәсинин jерини һамарлаjыблар. Даһа доғрусу, иҹра башчысы мәзуниjjәтдә оланда сакинләр бүнөврә төкүб Мәсҹид тикмәк истәjибләр. Иҹра Һакимиjjәти дә мәсәләдән хәбәр тутандан сонра тикинтини сахлаjыб ки, бурда мәктәб тикиләҹәк. Белә олмаз ахы! Мәктәбин учулан һиссәсини ҝөтүрүб Мәсҹид тикмәк истәjибләр.”- олса демәли кәнд сакинләри оғру вә мәктәб саһәсини ишғал етмиш инсанларды. Бу да ки, зилләт вәкилиндән азад вәтәндашлара олунан нөвбәти тәһгирдир.
Дөрдүнҹүсү әҝәр һәгигәтән дә Игбал Мәммәдовун дедиjи кими сакинләр мәктәбин учулан һиссәсинин jерини һамарлаjараг, иҹра башчысы мәзуниjjәтдә оланда бүнөврә төкүб Мәсҹид тикмәк истәjибләрсә, онда Дини Гурумларла Иш үзрә Дөвләт Комитәсинин Талыш бөлҝәси үзрә шөбә мүдири Гағаjы Мәммәдовун “Адычәкилән кәнддә тикинтиси баша чатмагда олан Мәсҹид кими тәгдим едилән тикили мәктәб бинасы үчүн нәзәрдә тутлмуш әразидәдир вә садаҹә өзүлдән ибарәтдир...” дедикләри jаландыр. Вә әҝәр Гағаjы Мәммәдовун дедикләри доғрудурса онда зилләт вәкилинин дедикләри һәгигәтә уjғун деjилдир.
Бешинҹиси, әҝәр халг өз шәхси һесаблары илә тикдикләри Мәсҹиди баша чатдырарларса вә дөвләт дә Мәсҹид үчүн аjырдығы jердә һәлә тикилмәмиш Мәктәбин тикинти ишинә старт верәрсә ҝөрәсән нә баш верә биләр ки?!...
Диггәт: Хәбәрдән истифадә етдикдә мәнбәjә истинад лазымдыр
