Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Милади тәгвим илә 8 Декабр, 2013 тарихә тәсадүф едән, Һиҹри Гәмәри Тәгвими илә Сәфәр аjынын беши, Имам Һүсеjнин (әлеjһис сәлам) Рүгәjjә Хатун (сәламуллаһи әлеjһа) адлы аз jашлы гыз ушағынын мәлун Јәзид ибн Муавиjjә тәрәфиндән Шәһид олан ҝүнүдүр.
Биз АБНА олараг бу мүсибәтли ҝүн мүнасибәти илә башда Заманәнин Имамы, Һөҹҹәт ибнил Һәсән Әскәри (Аллаһы Тәаланын сәлам вә рәһмәти она вә пак аиләсинә олсун) һәзрәртләри олмагла, онун Һагг Наиби Имам Хаменеи вә үмумдүнjа Мүсәлманларына баш сағлығы веририк.
Һәзрәти Рүгәjjәнин (сәламуллаһи әлеjһа) гыса сүрмүш һәjатына гыса бир бахыш
Һәзрәти Рүгәjjәнин (сәламуллаһи әлеjһа) Һиҹри тәгвими илә 57- ҹи илдә Имам Һүсеjнин (әлеjһи сәлам) евиндә дүнjаjа ҝөз ачыр. Ханым Рүгәjjәнин (сәламуллаһи әлеjһа) Анасынын ады “Умму Исһаг” (сәламуллаһи әлеjһа), күнjәси исә, “Бинту Тәлһә” (сәламуллаһи әлеjһа) олуб. Умму Исһаг Ислам дүнjасында чох нәҹиб вә фәзиләтли бир гадын кими таныныр. Тәсүфләр олсун ки, һәлә һәзрәти Рүгәjjә (сәламуллаһи әлеjһа) дүнjаjа jениҹә ҝәлмишдир ки, Анасы фани дүнjа илә видалашыр. Беләликлә дә Ханым Рүгәjjәнин (сәламуллаһи әлеjһа) тәрбиjjәси һәзрәти Зеjнәб Хатунун (сәламуллаһи әлеjһа) өһдәсинә дүшүр.
Һәзрәти Рүгәjjәнин (сәламуллаһи әлеjһа) адынын гоjулмасы
Рүгәjjә Хатунун (сәламуллаһи әлеjһа) ады Фатимәдир. Она ҝөрә дә ону “Фатимәjи Суғра” (сәламуллаһи әлеjһа) jәни кичик Фатимә деjәрәк адландырыблар. Рүгәjjә ады исә онун ләгәбидир вә Ругәjjә сөзү әрәб дилиндә “риггә” кәлмәсиндән ҝөтүрүлүб вә тәрәгги, jүксәлмәк мәнасыны дашыjыр.
Һиҹрәтин 60-ҹы илиндә Рүгәjjә Хатун (сәламуллаһи әлеjһа) Атасы Имам Һүсеjни (әлеjһис сәлам) мүшаjәт едән Карван илә бирликдә Кәрбәла чөлүнә дахил олдулар. Он ҝүн сонра исә, Муһәррәм аjынын гнунда (Ашура ҝүнү), Һагг илә батил арасында ҝедән мүбаризәдә Имам Һүсеjн (әлеjһис сәлам) Әһли Беjти (әлеjһимус сәлам) илә сонунҹу дәфә видалашдыгда деjиләнләрә ҝөрә, 3 jашлы Рүгәjjә Хатун (сәламуллаһи әлеjһа) хеjмәдә jатмышдыр. Бу сәбәбдән дә Атасы илә сонунҹу дәфә ҝөрүшә билмир. Деjиләнләрә ҝөрә Һәзрәти Рүгәjjә (сәламуллаһи әлеjһа) Бибиси Зеjнәб Ханымдан (сәламуллаһи әлеjһа) даим Атасыны сорушурду...
Ашура Фаҹисә сона jетдикдә дүшмән Језидин адамлары, Кәрбәла Шәһидләринин кәсилмиш башларыны низәләрә тахараг, әсир ҝөтүрүлмүш Пеjғәмбәрин (сәлләллау әлеjһи вә алиһ) аиләсинин ҝөзү өнүндә илк әввәл Ирагын Күфә шәһәринә даһа сонра Шама (индики Суриjаjа), мәлун Језидин сараjына апардылар. Кафирләр мәлун Језидин әмри илә әсирләри jол боjу аjагjалын, Кәҹавәсиз Дәвәләр үзәриндә әлләри бағлы, боjунлары зәнҹирли, шәһәр бә шәһәр, кәнд бә кәнд ҝәздирирдиләр. Надан вә кафир инсанлар да Пеjғәмбәр (сәлләллау әлеjһи вә алиһ) балаларыны лаға гоjур вә онлара истеһза едәрәк ҝүлүрдүләр.
Ислам Пеjғәмбәринин (сәлләллау әлеjһи вә алиһ) балалары, бөjүк ир зилләт илә Шама (Дәмәшг шәһәринә) чатдыгдан сонра онлары Аллаһын дүшмәни Језид ибн Мүавиjjәнин (Аллаһ Пеjғәмбәрин бүтүн дүшмәнләринә ләнәт етсин) сараjы jахынлығындакы харабалыгда jерләшдирдиләр.
25 ҝүнлүк әзаб вә әзиjjәтли jолун чәтинликләри, Шамын харабалығынын натәмизлиjи, дүшмәнләрин Пеjғәмбәр (сәлләллау әлеjһи вә алиһ) балалары илә вәһшиҹәсинә рәфтар етмәләри, һәзрәти Ругәjjә Хатуну (сәламуллаһи әлеjһа) чох нараһат едирди. Үч jашлы гыз ушағы, бүтүн бу мүсибәтләрдән jаха гуртармаг үчүн Атасыны истәjирди... Даим атаҹан атаҹан деjә сәсләнирди... Мәлун Језид сонда әмр едир ки, апарын атасынын кәсилмиш башыны верин она гоj сакит олсун. Һәзрәти Рүгәjjә (сәламуллаһи әлеjһа) ханым Имам Һүсеjнин (әлеjһи сәлам) кәсилмиш мүбарәк башыны гуҹағына алараг атасына өз башына ҝәләнләрдән шикаjәт етмәjә башлады вә сонда елә орда ҹа ҹаныны Уҹа Аллаһа тапшырараг Атасынын һүзуруна ҝетди. Һәзрәти Рүгәjjә (сәламуллаһи әлеjһа) ханым елә шәһид олдуғу харабалыгда да торпаға тапшырылды.
Рүгәjjә Хатунун (сәламуллаһи әлеjһа) Дәмәшг шәһәриндә jерләшән һәрәминин ҝөрүнтүләри
Диггәт: Хәбәрдән истифадә етдикдә мәнбәjә истинад лазымдыр
