Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бир нечә ҝүн өнҹә намәлум сәбәбләр үзүндән Танзаниjанын Кипиндаj шәһәриндәки Шиәләрә мәхсус Мәсҹидин икинҹи мәртәбәсиндә jанғын һадисәси баш вериб.
Геjд олунан Мәсҹидин jухары мәртәбәсиндән Мүбарәк Рамазан Аjларынын әмәлләрини jеринә jетирмәк вә Гуран Кәримин тәдриси үчүн истифадә олунмасы нәзәрдә тутулмушдур. Мәсҹидин ашағы мәртәбәси исә, Ҹамаат Намазларынын бәрпасы үчүн истисмара верилмишдир.
Мәсҹидин мүдириjjәт һеjjәтинин үзвләриндән бири билдириб ки, Мүәззин (админ: Азан деjән шәхс) Сүбһ Намазынын Азанын вермәк мәгсәди илә, Мәсҹидә ҝәлдикдә, Мәсҹидин jухары, икинҹи мәртәбәсинин аловландығыны мүшаһидә едир. Јанғын һадисәси заманы, Мәсҹидин Меһрабы, Минарәси, Күмүн бир гисмәти вә чохлу саjда Гурани Кәрим вә диҝәр дуа китаблары jанараг сырадан чыхыб.
Мәсҹид мүдиринин билдирдиjинә әсасән, һазырда jанғын һадисәси илә бағлы ахтарыш ишләри башланыб. Бунунла jанашы һәм дә Мәсҹидин тәмири үчүн артыг лазымы аддымлар атылыр. Геjд едәк ки, хөшбәхтчиликдән һадисә заманы һеч ким хәсарәт алмаjыб.
Диггәт: Хәбәрдән истифадә етдикдә мәнбәjә истинад лазымдыр
