Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹанын Астара раjонунда бәдбәхт һадисә баш вериб. Белә ки, Астара раjонун Шиjәкәран кәнд сакини, 1981-ҹи ил тәвәллүдлү Леjла Әкбәр гызы Гәһрәманова вә онун 3 оғлу - 2006-ҹы ил тәвәллүдлү Шәмкар, 2008-ҹи ил тәвәллүдлү Мәһәммәд вә 2010-ҹу ил тәвәллүдлү Рза евдә өлмүш вәзиjjәтдә ашкар олунублар.
Геjд едәк ки, аиләнин башчысы 1982-ҹи ил тәвәллүдлү Шаһид Әбдүлһсеjн оғлу Гәһрәманов Дағыстанын Хасавjурд раjонунда фәһләликлә мәшғул имиш. Она һадисә барәдә хәбәр вериләндән сонра дәфн мәрасиминдә иштирак етмәк үчүн Азәрбаjҹана ҝәлиб.
Арашдырмалар заманы исә ев саһибәси Леjла Гәһрәманованын һадисәдән әввәл атасынын вә гардашынын мобил телефонларына зәнҝ едәрәк “көмәк, көмәк” гышгырдығы, сонрадан әлагәнин кәсилдиjи мәлум олуб. Һәмин вахт Леjла Гәһрәманованын атасы вә гардашы Ләнкәран шәһәриндә олублар. Онлар Леjлаjа зәнҝ етсәләр дә, ҹаваб верән олмаjыб.
Геjд едәк ки, Һадисә jеринә һүгуг-мүһафизә органын әмәкдашлары ҹәлб олунублар. Меjитләр мүаjинә олунуб вә онларда һәр һансы зоракылыг әламәтләри ашкар едилмәjиб. Онларын дәм газындан боғулдуглары билдирилир.
Фактла бағлы раjон прокурорлуғунда арашдырма апарылыр.
Диггәт: Хәбәрдән истифадә етдикдә мәнбәjә истинад лазымдыр
