Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjада давам едән бөһран мүддәтиндә өзләрини тәһлүкәсиз һисс етдикләрини билдирән гулдур сионист режим ордусу, артыг сон ҝүнләр әрзиндә нараһатчылыглар ичәрисиндә jашадыгларына етираф едиб.
Фәләстин торпагларыны ишал етмиш гондарма сионист режим ордусу, Һизбуллаһ гошунларынын Суриjада давам едән бөһрана бахмаjараг "Ливан-исраил" сәрһәдиндә Һизбуллаһ һәрбичиләринин jерләшмәjә башладыгларыны мүшаһидә етдикләрини билдириб.
Ишғалчы сионист режим сәлаһиjjәтлиләри, Һизбуллаһ бирликләринин һазырлыгларыны мәһз исраилә гаршы ҝөзләнилмәз бир һүҹум маһиjjәти дашыдығына дәлаләт етдиjини билдирибләр.
Иргчи jәһуди режим орду командирләриндән бири олан Јарон Фармоса билдириб ки, "Һизбуллаһын Суриjадакы дөjүшә дахил олмасы, һеч бир тәгдирдә исраил илә дөjүшә һазырлашмасына мане олмаjыб".
Сионист режим Шимали ордуларынын Топчу Бирликләри Командири олан Фармоса, Суриjадакы дөjүшләрин әслиндә Һизбуллаһ үчүн бир маневр хүсусиjjәти дашыдығына ишарә едәрәк, Һизбуллаһ дөjүшчүләринин Суриjада даһа да ҝүчләндикләрини вә Һизбуллаһын "әсас дөjүш" олараг 'исраил' илә дөjүшә даһа чох һазырлыглы олдуғуну етираф едиб.
Һизбуллаһын ән аз 5 jени табуру Суриjада һәрби тәлимләр кечдикдән сонра Фәләстин торпагларыны ишғал етмиш исраил илә сәрһәддә jерләшдиjини билдирән Фармоса, "Һизбуллаһын индиjә гәдәр ки, зәиф нөгтәси онларын гуру әмәлиjjатларыны тәшкил едән пиjада гошунлары иди. Амма Суриjада онлар бу мәрһәләни мүвәффәгиjjәтлә кечдиләр вә инди пиjадалары да дөjүшә һазырдыр"- деjә билдириб.
Геjд едәк ки, ишғалчы сионист режим сәлаһиjjәтлиләри даһа әввәл вердикләри ачыгламада Һизбуллаһын Суриjадакы дөjүшә дахил олмасыны мәһз Һизбуллаһы зәифләтәҹәjини билдирмишләр. Һәтта бәзи сионист рәсмиләринин дедикләринә ҝөрә, Мүгавимәт Ҹәбһәсинин өндәри саjылан Суриjада бөһран башладыгда сионист исраил режиминә гаршы башланмыш Мүгавимәт Һәракаты зәифләjәрәк чөкүш һәддинә чатаҹагдыр.
Диггәт: Хәбәрдән истифадә етдикдә мәнбәjә истинад лазымдыр
