Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ана мүхалифәт партиjасы ҸҺП-нин Тунҹели депутаты Һүсеjн Аjҝүн АКП-нин jанлыш сиjасәтләрини мәһкум едәрәк деjиб: "Хариҹи ишләри назири Әһмәд Давудоғлу Түркиjәни "әл - Гаидә"нин фермасына чевириб".
О, Реjһанлыдаки партлаjышла әлагәдар сәнәдләри сыздырдығы иддиа едилән Ер Утку Калынын деjил, "Түркиjәни "әл- Гаидә"нин чифтлиғи һалына ҝәтирән" хариҹи ишләр назири Әһмәд Давудоғлунун мүһакимә олунмасы лазым олдуғуну ифадә етди.
"Түркиjәдәки сүлһ истәjән бүтүн инсанларын гәһрәманы олан Утку Калыны дәстәкләмәк үчүн Самсуна ҝедирәм. Реjһанлы гырғынына даир мәлуамтлары ортаjа чыхармаг бир ҹинаjәт деjил, инсанлыг вәзифәсидир. Ер Утку деjил, Түркиjәни "әл- Гаидә"нин фермасына чевирән Әһмәд Давудоғлу шүбһәли гисминдә мүһакимә едилмәлидир.”
Хатырладаг ки, бу ҝүн һәрбчи Утку Калын Һатаjын Реjһанлы раjонундакы бомбалы һүҹумлара даир сәнәдләри хакер групу “РедҺаҹк”а өтүрдүjү иддиасы илә мүһакимә едилир.
Диггәт: Хәбәрдән истифадә етдикдә мәнбәjә истинад лазымдыр
