Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Милли Шуранын ваһид намизәди Ҹәмил Һәсәнли Меjдан.ТВ-jә мүсаһибәсиндә билдириб: “Тәәссүф едирәм ки, Сиjавуш Новрузовун арзусуну ҝөзүндә гоjаҹағам. Мән сабаһ (бу ҝүн - ред.) Азәрбаjҹана гаjыдаҹағам”.
Ҹ. Һәсәнли деjиб ки, онун Азәрбаjҹандан нә инди, нә ҝәләҹәкдә һеч һара ҝетмәк фикри jохдур: “Мән өз халгымын дәjишиклик арзусуна уjғун олараг бу просесдә иштирак етмишәм вә давам едәҹәjәм. Биз чағдаш дүнjаjа интеграсиjа олмалыjыг, сечки ҝөрүнтүсү jаратмамалыjыг.
Сиjавуш Новрузов кими адамлар тәсадүфи адамлардыр. Нормал бир һакимиjjәтдә белә адамлар һеч вахт үздә ола билмәзләр. Бунлар истедадсыз, габилиjjәтсиз, тәсадүф нәтиҹәсиндә ҝәлиб игтидар партиjасында тәмсил олунан адамлардыр. Јәни ЈАП нормал принсипләр әсасында формалашсаjды, һеч вахт белә адамлар партиjа рәһбәрлиjинә jүксәлә билмәздиләр. Бунлар мүһафизәчи сәвиjjәсиндә олан адамлардыр. Нәинки Сиjавуш, бу ҝүн Азәрбаjҹанын раjонларынын әксәринә рәһбәрлик едәнләрин бөjүк бир һиссәсини бизим бәjәнмәдиjимиз совет дөврүндә бу ҝүн отурдуглары бинаjа һеч мүһафизәчи дә гоjмаздылар. Бунлар рүшвәт jығмагдан башга аjры габилиjjәти олмаjан, өз халгы илә әсир ҝөтүрүлмүш кими давранан инсанлардыр”.
Диггәт: Хәбәрдән истифадә етдикдә мәнбәjә истинад лазымдыр
