Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Москва шәһәринин гәрбиндә jерләшән Бирjулов (Бирюлев) раjонунда jерләшән Авропанын ән бөjүк Меjвә-Тәрәвәз базасы саjылан “Покров” меjвә-тәрәвәз базасында “милләтчиләр” азәрбаjҹанлылара гаршы тәхрибата башлаjыблар.
Скинһедләрин әксәриjjәтинин алкоголлу ички гәбул етдиjи билдирилиб. ОМОН скинһедләрин jүрүшүнә мүдахилә едиб. Нәтиҹәдә рус миллиjәтчиләриндән 50 нәфәр сахланылыб.
ОМОН “скинһед”ләрин һүҹумунун гаршысыны алмасына бахмаjараг дөвләт рәсми олараг базаны бағлы елан едиб. Бу да өз нөвбәсиндә минләрлә азәрбаjҹанлы таҹирин ифласа уғрамасы демәкдир...
Һазырда Гәрби Бирjулево раjонунда ичи меjвә-тәрәвәз мәһсуллары илә долу олан ТЫР-ларын нөвбәси jараныб. Меjвә-тәрәвәз мәһсулларынын саһибләринә базадан чыхмаг үчүн ики ҝүн вахт верилиб. Азәрбаjҹанлы саһибларлар бу мүддәт әрзиндә мәһсулларынын хараб олаҹағындан еһтиjjатланырлар.
Геjд едәк ки, Русиjа паjтахтында октjабрын 10-да 25 jашлы ҝәнҹин гафгазлы шәхс тәрәфиндән гәтлә jетирилмәси jерли сакинләрин етиразына сәбәб олуб. Гатилин тапылмасыны тәләб едән jүзләрлә рус миллиjjәтчиси вә “скинһед”ләр Бирjулево раjонунда jерләшән “Бирjуза” тиҹарәт мәркәзи вә “Покров” меjвә-тәрәвәз базасына һүҹум едәрәк, тиҹарәт мәркәзиндә вә базарда чалышан Гафгаз вә Орта Асjадан олан мигрантлары өлүмҹүл дөjүб. Һадисә jеринә хүсуси тәjинатлы полис дәстәләри jеридилиб. “Скинһед”ләр полисләрә дә мүгавимәт ҝөстәриб. Онлар тиҹарәт мәркәзиндә jерләшән мағазалара, әтрафдакы обjектләрә вә автомобилләрә ҹидди зәрәр вуруб. Рус миллиjjәтчиләринин төрәтдиjи иғтишашлар нәтиҹәсиндә хеjли саjда мигрант вә jерли сакин jараланыб.
Русиjа һүгуг-мүһафизә органлары гәтлдә шүбһәли билинән 1982-ҹи ил тәвәллүдлү Азәрбаjҹан вәтәндашы Орхан Зеjналову сахлаjыб. Коломно шәһәриндә jахаланан О. Зеjналов верталjотла Москваjа ҝәтирилиб.
Гатилин азәрбаjҹанлы олмасы, һәм Русиjа мәтбуатында, һәм дә ҹәмиjjәтдә бөjүк етиразла гаршыланыб. Бундан истифадә едән миллиjәтчиләр азәрбаjҹанлылара гаршы кампаниjа апармаға башлаjыблар. Дүнәндән етибарән һәмjерлиләримиз ишләтдиjи обjетктләрә мүтәмади һүҹумлар тәшкил олунур.
Диггәт: Хәбәрдән истифадә етдикдә мәнбәjә истинад лазымдыр
