Əһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Октjабр аjынын 11-и Сәбаил Раjон Мәһкәмәсиндә Бәхтиjар Гурбанов вә Рөjал Әсҝәровун вәкили Јавәр Һүсеjн интиһар едән инанҹлы Камран Сеjидовун сон мәктубунун бир нүсхәсини мүхбиримизә тәгдим етдиjини билдирмишдик. Вәкилин тәгдим етдиjи мәктуб мәтбуатда jаjымландыгдан бир ҝүн сонра Дахили Ишләр Назирлиjи мәтбуат хидмәтинин шөбә рәиси Орхан Мансурзадә “Медиа форум” саjтынын диндар Камран Сеjидовун сон мәктубунда jазыланларла бағлы сорғусуну ҹавабландырыб.
Дахили Ишләр Назирлиjи мәтбуат хидмәтинин шөбә рәиси Орхан Мансурзадә “Медиа форум” саjтына вердиjи ачыгламадан сонра Камран Сеjидовун гардашы Јалчын Сеjидов Азадхебер.нет саjтынын редаксиjасына ҝәләрәк һадисә илә бағлы ачыглама вериб:
“Апрелин 5-и ики нәфәр шәхс jашадығымыз үнвана ҝәләрәк гардашым Камраны сорушду. Анам тәк олдуғундан гапыны ачмаjыб вә сорушуб ки, "кимдир?", деjибләр достудур. Анҹаг бу ики нәфәри анам танымаjыб. Гардашымдан сорушанда да танымадығыны билдириб. Сәһәри ҝүн, jәни апрелин 6-сы саат 5 радәләриндә саһә мүвәккили евә зәнҝ едәрәк, гардашымдан шәхсиjjәт вәсигәси илә бирҝә полис бөлмәсинә jахынлашмағыны тәләб едиб. Гардашым Камран полис бөлмәсинә ҝетдиб. Бир мүддәт сонра саһә мүвәккилиндән мараглананда саһә мүвәккили билдириб ки, Низами раjону 24-ҹү полис бөлмәсинә тәһвил вериб. 24-ҹү полис бөлмәсиндән мараглананда исә мәлумат верибләр ки, о Баш Мүтәшәккил Ҹинаjәткарлыгла Мүбаризә Идарәсинә апарылыб. Ҝеҹәjарысы гардашым хаһиш едиб ки, анам нараһатдыр евә зәнҝ едиб һарда олдуғуму билдирәсиз. Бундан сонра евә зәнҝ олду, өзүнү мүстәнтиг кими тәгдим едән шәхс билдириб ки, Сеjидов Камран "бандотдел"дәдир. Анам сорушанда ки, “оғлум ҝеҹә ҝәләҹәк”, мүстәнтиг деjиб ки, "иншааллаһ". Амма нә апрелин 6-сы ахшам, нә дә 7-си ҝеҹә евә ҝәлмәjиб. Апрелин 8-и ахшам радәләриндә Камран һалсыз, горху ичиндә евә дахил олду. Һәтта, бизим евдә бәрк данышмағымыздан да еһтиjат едиб, горхурду. Үстүндән бир вә jа ики ҝүн сонра jенидән Баш Мүтәшәккил Ҹинаjәткарлыгла Мүбаризә Идарәсинә, телефонунун вә шәхсиjjәт вәсигәсинин архасынҹа ҝедиб.
Алты аj әрзиндә Камран өзүндә деjилди, jемәк jемирди, демәк олар ки,данышмырды. Јемәмәзликдән танынмаз вәзиjjәтә дүшмүшдү. Мәтбуата чыхан мәктуб онун мәктубудур вә вәзиjjәти олдуғу кими jазыб. Вә мән дә онун гардашы Јалчын Сеjидов бу jазыны тәсдигләjирәм.”
Геjд едәк ки, Камран Сеjидов сонунҹу мәһкәмә просеси ҝүнү ишләдиjи Нефт Ширкәтиндә намаз отағында өзүнү асыб.
Диггәт: Хәбәрдән истифадә етдикдә мәнбәjә истинад лазымдыр
