Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjанын Һәләб шәһәриндә азғын сәләфи груплашмалары вә “Азад Суриjа Ордусу” адлы гондарма үсjанчылар арасында баш вермиш тоггушмаларда 50 нәфәр өлүб.
Суриjа Инсан Һагларынын Мониторинги Мәркәзи бу һагда ачыглама jаjыб (ОСДҺ). Ачыгламада геjд олунур ки, “Әл Гаидә” беjнәлхалг террор тәшкилаты илә әлагәли олан “Ираг вә Левантедә Ислам Дөвләти” (Islamic State of Iraq and the Levant, ISIL) груплашмасынын дәстәләри вә “Азад Суриjа Ордусу”нун (АСО) бирләшмәси арасында тоггушмалар Һәләб шәһәриндә октjабрын 10-дан давам едир. ОСДҺ-нин мәлуматына ҝөрә, дөjүшләрдә 30 үсjанчы өлүб, сәләфиләр исә 10 нәфәр итки вериб.
Геjд олунан һәр ики груплашма Суриjада һөкумәт ордусуна гаршы вурушур, лакин онларын арасында сон заманлар тез-тез гаршыдурмалар баш верир. Ҹари илин сентjабр аjында ISIL силаһлылары вә АСО үсjанчылары арасында Аазаз шәһәринә нәзарәт етмәк уғрунда бир нечә ҝүн гызғын дөjүшләр ҝедиб. Сонрадан тәрәфләр атәшкәс барәдә разылыг әлдә едиб.
Диггәт: Хәбәрдән истифадә етдикдә мәнбәjә истинад лазымдыр
