Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасынын Ләнкәран шөбәсинин сәдр вәзифәсинә узун илләр чалышмыш, Доктор Һаҹы Рамазан Бабаjев автогәза нәтиҹәсиндә дүнjасыны дәjишиб.
Редаксиjамыза дахил олан мәлумата ҝөрә, мәрһум Һаҹы Рамазан Бабаjев, 1990-ҹы илләрдән 2003 илә кими Ләкәран раjонунда Кумеjл, Тәвәссүл дуаларынын тәшкилиндә, бу минвалла Ләнкәран Раjонунда “Кумеjл Ҹәмиjjәтинин” формалашмасында бир баша ролу олмуш, халгын мүхтәлиф хеjр вә шәриндә “Кумеjл Ҹәмиjjәти” илә бирликдә jахындан иштирак етмиш вә даим имкансызлара баҹардығы гәдәр әл тутмушдур. Геjд едәк ки, мәрһум ихтисасҹа Ләнкәран Диагностика Мәркәзиндә һәким үнванында ишләjирмиш.
Мәрһумун дәфни мәрасими 4 Октjабр 2013 тарих, Ләнкәран шәһәриндә тәшкил едилиб. Мәҹлисдә АИП рәсмиләри вә Азәрбаjҹанын танынмыш Дин Хадимләри иштирак едиб.
Биз АБНА олараг редаксиjамыза үнванланмыш Иран Ислам Республикасында Али Дини Тәһсил алан бир груп Азәрбаjҹанлы тәләбәләрин тәрәфиндән мәрһумун jахынларына баш сағлығы верир вә Аллаһ Тәаладан Доктор Һаҹы Рамазанын бағышланмасыны, гәбр евинин нурла долмасыны, гиjамәт ҝүнүндә онун Гурани Кәрим вә Кумеjл Дуасы илә мәһшур олмасыны арзу едирик.
Руһу шад олсун! Әллаһуммә сәлли әла Муһәммәд вә али Муһәммәд
Билдирәк ки, Дахили Ишләр Назирлиjинин рәсми саjтынын мәлуматына ҝөрә, Октjабрын 3-дә саат 19.00 радәләриндә Ләнкәран раjону Борадиҝаһ гәсәбәсинин әразисиндә Лиман шәһәр сакини Мирсүтун Әзизовун идарә етдиjи “ВАЗ-21145” маркалы вә Ләнкәран шәһәр сакини Елнур Абдуллаjевин идарә етдиjи “Мерҹедес” маркалы автомашынлар тоггушуб. Нәтиҹәдә М.Әзизов вә сәрнишини, Лиман шәһәр сакини Рамазан Бабаjев һадисә jериндә өлүб.
Диггәт: Хәбәрдән истифадә етдикдә мәнбәjә истинад лазымдыр
