Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjа Инсан Һүгуглары Мүшаһидәчи групу бу ҝүн Түркиjә-Суриjа сәрһәддиндә jерләшән әл-Изаз шәһәриндә “Ираг вә Шамда Ислам Дөвләти” (ДАИШ) груплашмасы илә Азад Суриjа Ордусунун бөлмәләриндән саjылан “Шимал Фыртынасы” бригадасы арасында шиддәтли гаршыдурмалар баш вердиjини билдириб.
Бөлҝәдә ДАИШ груплашмасынын ирәлиләдиjи билдирилир. Бу арада паjтахт вә Дәмәшгәтрафы әjаләтдә һөкүмәтә гаршы вурушан груплашмалар Азад Суриjа Ордусу вә мүхалифәтин коалисиjасындан аjрылараг, “Ислам Ордусу” ады алтында бирләшдикләрини бәjан едибләр. Експерләрин фикринҹә бу аддым Сәудиjjә Әрәбистаны тәрәфиндән атылыб вә бундан мәгсәд аддымлары уғурсуз галан мүхалифәт коалисиjасынын диҝәри илә әвәзләмәкдир.
Билдирәк ки, өлкәдә гаршыдурмалар бу ҝүн дә давам едиб. Суриjа Инсан Һүгуглары Мүшаһидәши групунун мәлуматына әсасән сон суткада өләнләрин саjы 170 нәфәр олуб.
Диггәт: Хәбәрдән истифадә етдикдә мәнбәjә истинад лазымдыр
