Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сепаһын (Ислам Ингилаб Кешикчиләри Корпусунун) Гүдс ганадынын команданы Һаҹы Гасым Сүлеjмани сентjабрын 26-да Кирманда гатылдығы бир тәдбирдә АБШ президенти Барак Обаманын Иран Ислам Республилкасы илә бағлы БМТ-дәки чыхышына мүнасибәт билдириб.
Обама сентjабрын 24-дә БМТ Баш Мәҹлисинин сессиjасында чыхыш едәрәк Иран Ислам Республикасы илә мүнасибәтләрдән вә онун апардығы нүвә фәалиjjәтиндән данышыб: “Иран Гәрблә мүнасибәтләрини jахшылашдырмаг үчүн нүвә силаһы истеһсал етмәк ниjjәтиндә олмадығыны сүбут етмәлидир. Биз Иранда гурлушу девирмәк ниjjәтиндә деjилик вә Иран халгынын динҹ нүвә енержисиндән истифадә етмәк һүгугуна һөрмәтлә jанашырыг”.
Сепаһын команданы Гасым Сүлеjмани деjиб ки, Обаманын бу чыхышы Американын Иран Ислам Республикасы гаршысында ҝүҹсүзлүjүнү нүмаjиш етдирир: “Обаманын Иран Ислам Республикасыны девирмәк ниjjәтиндә олмадыглары һагда бәjанаты онун бизә олан илтифатындан ирәли ҝәлмир. Онун бу сөзү Американын Иран Ислам Республикасы гаршысында аҹизлиjини ҝөстәрир. Американын бу ҝүнә гәдәрки бүтүн сәjи Иран Ислам Республикасыны девирмәк олуб. Америка сон 35 илдә Ислам Республикасына гаршы намәрдҹәсинә ән пис һәрәкәт вә тәдбирләри һәjата кечириб. Иран халгы буну jаддашына мөһкәм һәкк едиб”.
Диггәт: Хәбәрдән истифадә етдикдә мәнбәjә истинад лазымдыр
