Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн 21 Сентjабр, 2013 тарихдә, Бәһреjн 14 Феврал Коалисиjасы үмум халг күтләсини “Әзм вә Гәтиjjәт Шәнбәси” адлы сүлһамиз етираз аксиjаларында jахындан иштирак етмәклиjә дәвәт едиб.
Али Хәлифә режиминин сиjасәтләринә мүхалиф олан сиjасәтчиләр дә, халгы ҝәлән Ҹүмә ҝүнү, мөвҹуд режимин әлеjһинә кечириләҹәк ҝенишмигjаслы аксиjада иштирак етмәкә дәвәт едибләр.
Геjд едәк ки, кечириәҹәк аксиjадан мәгсәд, өлкәдә режим әлыеjһинә кечирилән сүлһамиз етираз митингләринә даjаг, Әдаләтин мүхтәлиф тәбәгәләрдә иҹрасы, силаһсыз вәтәндашлары һәлак едәрәк һәjатларына сон гоjан мәмурларын мүһакимәси, Бәһреjн Кәрамәт Ингилабы уғрунда өвладларыны итирән, бу jолда мади вә мәнәви хәсарәтләр алараг jаралананлар илә һәмрәjлик вә шәрләнәрәк зинданлара атылан ҝүнһасыз инсанларын тезликлә азад едилмәси наминәдир.
Дүнән Бәһреjнин Вифаг Иҹмасынын рәһбәри Шеjх Әли Сәлман, Азадлыг меjданында топлашан минләрлә вәтәндаш гаршысында чыхыш едәрәк, халг күтләсини ҝәлән һәфтә кечириләҹәк аксиjада jахындан иштирак етмәjә ҹәлб едиб.
Диггәт: Хәбәрдән истифадә етдикдә мәнбәjә истинад лазымдыр
