Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjа Президенти Бәшшар Әсәд ҹәнаблары “Рус 24” каналына вердиjи ачыгламада, Суриjанын ишғалчы исраил режиминдән кимjәви силаһлары гадаған едән сазишә имза атмасыны тәләб едиб етмәjәҹәjи илә бағлы суалын ҹавабында билдириб: “АБШ, Суриjанын БМТ-дән бөлҝәни күтләви гырғын силаһлардан тәмизләнилмәси илә бағлы етдиjи тәләбләри әнҝәлләjир. Бу да өз нөвбәсиндә исраилин мүасир күтләви гырғын силаһлара саһиб олмасына иҹазә верир”.
Бөлҝәдә сабитлик вә тәһлүкәсизлиjин тәмин олмасы наминә бүтүн дөвләтләрин бу мүгавиләjә бағлы олмаларынын лазым олдуғуну ифадә едән Суриjа Президенти ҹәнаб Б.Әсәд даһа сонра деjиб: “Исраил дә кимjәви, нүвә, биоложи вә һәр ҹүр күтләви гырғын силаһлара саһибдир. Онун да күтләви гырғын силаһлардан истифадә едилмәсини гадаған едән мүгавиләjә бағлылыг ҝөстәрмәси ҝәрәклидир. Бу сәбәбдән бүтүн бөлҝәнин күтләви гырғын силаһларындан тәмизләнилмәси истигамәтиндәки сәjләрин давам етдирилмәси лазым вә зәруридир. Бөлҝә вә һәтта бүтүн дүнjа анҹаг бу шәкилдә дағыдыҹы мүһарибәләрдән горуна биләр”.
Террористләрин Дөвләт Нәзарәт алтындакы бөлҝәләрдә исраилә кимjәви һүҹум мүмкүндүр
Суриjадакы террор групларынын дөвләт идарәси алтындакы бөлҝәләрдән исраилә кимjәви һүҹум етмәләринә даир ҝәзән сөз-сөһбәтләрә бағлы суалын ҹавабында Суриjа Президенти билдириб: “Террор групларынын әлләриндә кимjәви силаһларын олдуғу вә бу силаһлары Суриjа ордусу вә халгына гаршы истифадә етдикләри артыг сүбута jетмишдир. Бу террор груплары вә архаларындаки тәрәфләрин Суриjаjа гаршы АБШ-ын һәрби һүҹумуну реаллашдырмасы үчүн бөjүк сәjләр ҝөстәрдикләри дә һәр кәсә бәллидир. Террорчулар вә онлары һимаjә едән гүввәләр даһа әввәл дә, исраили Суриjа бөһранына даим дахил етмәjә чалышыблар. Башга сөзлә, еjни һәдәфләр уғрунда террорчулар исраилә кимjәви силаһлардан истифадә үчүн Суриjа дөвләтини ҝүнаһландырмалары узаг бир еһтимал деjлдир.
Диггәт: Хәбәрдән истифадә етдикдә мәнбәjә истинад лазымдыр
