Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Президенти Бәшшар Әсәд ҹәнаблары “Рус 24” каналына вердиjи ачыгламада, Суриjанын, кимjәви силаһлара бағлы Русиjанын тәгдим етдиjи тәшәббүсү АБШ һәдәләриндән ҝөрә деjил мәһз Русиjанын мүраҹиәти илә гәбул етдиjини вурғулаjыб.
Мүгавимәт өндәрләриндән бири олан Президенти Әсәд, Русиjанын тәгдим етдиjи тәшәббүсүн һәjата кечирилмәси ишләринин биртәрәфли олмадығыны ифадә едәрәк, илк нөвбәдә АБШ-ын Суриjаjа гаршы jүрүтдүjү дүшмәнҹил сиjасәтләринә сон гоjмасыны тәкидлә вурғулаjыб.
Суриjаjа истигамәтли ола биләҹәк һәр һансы бир мүһарибәнин бүтүн бөлҝә үчүн дағыдыҹы олаҹағыны билдирән Б.Әсәд ҹәнаблары, мүһарибәнин башлаjаҹағы тәгдирдә бүтүн бөлҝәдә jашаjан нәсилләрин сабитлик вә әмин-аманлыг үзүнә һәсрәт галаҹагларыны билдириб.
Суриjа Президенти даһа сонра билдириб: “Террористләр чалышырлар ки, АБШ-ы Суриjаjа һүҹум етмәjә тәһрик етсинләр”.
Ҹәнаб Бәшшар Әсәдин сөзләринә ҝөрә, өзләрини мүхалифәтчи адландыран дөjүшчүләр, бир сыра хариҹи өлкәләрдән алдыглары кимjәви силаһларла өз арсеналларыны зәнҝинләшдирибләр. Бу һагда ачыглама верән Бәшшар Әсәд билдириб: “Елә өлкәләр вар ки, мүхалиф дөjүшчүләрә кимjәви маддәләр верирләр”.
Суриjанын һазыркы лидери, АБШ рәһбәрлиjинә мүхтәлиф бәһанәләр илә Суриjаjа гаршы һазырладығы дөjүш планларындан ваз кечмәсини дә төвсиjә едиб.
Диггәт: Хәбәрдән истифадә етдикдә мәнбәjә истинад лазымдыр
