Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Сәбаил Раjон Мәһкәмәсиндә Бәхтиjар Гурбанов вә Рөjал Әсҝәровун нөвбәти мәһкәмә иҹласы кечирилиб.
Бәхтиjар Гурбанов вә Рөjал Әсҝәров мәһкәмә истинтагында ифадә вермәкдән имтина едиб.
Рөjал Әсҝәров бу барәдә билдириб ки, “Билирик ки, бәзи шаһидләр ҝәлиб бурда үзә дурурлар, jаландан ифадә верирләр. Ишә дәхли олмаjан лазымсыз инсанлары истинтага ҹәлд едиб ифадә алырлар. Онларын сөзләри дә бөһтан характерлидир. Биз һәр икимиз гәрар алмышыг ки, бүтүн шаһидләр ифадә вердикдән сонра биз дә мәһкәмә истинтагына ифадә верәҹәjик.”
Бәхтиjар Гурбанов да онун сөзләрини тәсдигләди.
Даһа сонра зәрәр чәкмиш гисминдә Бакы Шәһәр Иҹра Һакимиjjәтинин рәсмиси Ариф Исмаjылов ифадә вериб.
Ариф Исмаjылов ифадәсиндә геjд едиб ки, “Мән бу 2 нәфәрин етмәк истәдикләрини һамы кими телеканаллардан ешитдим. Һадисә илә әлагәдар бизә зиjан дәjмәjиб. Мәним һәр ики шәхсә гаршы һеч бир иддиам jохдур.”
Сонра шаһид Самир Мәммәдов мәһкәмә истинтагына ифадә вериб. Самир Мәммәдов ифадәсиндә билдириб ки, “Мән Бәхтиjары да, Рөjалы да таныjырам. Һәр икиси әхлаглы, тәрбиjәли иманлы инсанларды. Мәни бу ишлә әлагәдар олараг Баш Мүтәшәккил Ҹинаjәткарлыгла Мүбаризә идарәсинә чағырыб изаһат алдылар. Ачығы баша дүшмәдим ниjә мәни изаһат үчүн чағырдылар. Јәгин ола биләр мән СОҸАР-да мүһәндис ишләjирәм, Бәхтиjар да орада мүһафизәдә ишләjирди, она ҝөрә чағырыблар. Амма диггәтинизә чатдырмаг истәjирәм ки, мән Бәхтиjар вә Рөjалы метрода ҝөрдүм. Дәгиг билмирәм, Низами вә jа Ичәришәһәр метростансиjасында гаршылашдым онларла. Дедиләр чыхмышыг шәһәрә ҝәзмәjә. Бу ишлә бағлы исә мәнә мәлум олан бир шеj вә мәлумат jохдур. Хәбәрим олмаjыб онлара гаршы олан иддиалардан.”
Даһа сонра шаһид Елчин Бабаjев мәһкәмәдә ифадә вериб.
О, ифадәсиндә деjиб ки, ”Мән Бәхтиjар вә Рөjалы чохдан таныjырам. Һәр икиси илә ҝөзәл мүнасибәтим олуб. Бәхтиjар мәнә ахырынҹы дәфә хеjир иши илә бағлы борҹ пул алмаг үчүн мүраҹиәт етди. Тәхминән 1000 манат пул истәди, мән исә 900 манат мигдарында пулу борҹ олараг она вердим.”
Һаким шаһид Елчин Бабаjевдән вердиjи борҹ пулун ҝери истәjиб истәмидиjини сорушдугда о, “Хеjр истәмирәм. Гардашларым ичәридәди, дар ҝүнләриндә көмәк едә билирәмсә, хош һалыма.”
Һаким мәһкәмә истинтагына ифадә вермәк үчүн диҝәр шаһидләри зала дәвәт едиб.
Нәсими раjон полис идарәсинин әмәкдашы, полис леjтенанты Рауф Исмаjылов ифадә вериб. О геjд едиб ки, “Биз һәмин ҝеҹә әразидә реjд кечирирдик. 2 нәфәр намәлум шәхсин өзүнү шүбһәли апардығыны ҝөрдүк. Јахынлашдыгда сорушдуг ки орада нә едирләр. Бир-биринә уjғун олмаjан сөзләр дедиләр. Сонра биз онлары полис бөлмәсин дәвәт етдикдә әлләриндәки зәнбили гоjуб гачдылар. Биз онларын һәр икисин аjры-аjры күчәләрдә тута билдик. Бөлмәjә ҝәтирдиjимиздә дедиләр ки, Бакы Шәһәр Иҹра Һакимиjjәти мәсҹидләри тикмәкдәнсә сөкүр вә jени мәсҹидләрин тикилмәсинә иҹазә вермирләр, биздә бу иши төрәтмәк истәjирдик.”
Бу заман Бәхтиjар Гурбанов шаһидә етираз едиб. О, геjд едиб ки, "Бу шәхс jох, башга бир полис ишчиси үзәримизә силаһ чәкди. Тәзjиг ҝөстәрди. Бир шеjи дә әлавә едим ки, биз һәм дә һиҹаб гадағасына етираз етмишик.”
Даһа сонра диҝәр полис ишчиси Һәмидов Заур ифадә вериб. О, геjд едиб ки, “Әразидә башга бир ҹинаjәткар груп барәдә реjд кечирирдик. Һәмән груп оғрулар олдуғу үчүн әразидә олан һәр бир кәси диггәтлә изләjирдик. Бу 2 нәфәри дә орада ҝөрдүк, jахынлашдыг, өзүмүзү тәгдим етдик. Лакин онлар суалларымыза аjры-аjры ҹаваблар вердикләри үчүн шүбһәли олдугларыны дүшүндүк вә бөлмәjә дәвәт етдик. Онлар чағырышымыза мәһәл гоjмадан ичәрисиндә бензин, даш, памбыг вә 2 алышган олан торбаны туллаjыб гачдылар. Биз онлары башга-башга jерләрдә тутдуг вә истинтага ҹәлб олунмалары үчүн бөлмәjә апардыг. Онлара гаршы һеч бир зоракылыг олмады вә һәр икиси сәмими шәкилдә төрәтмәк истәдиләрини билдирдиләр.”
Диҝәр шаһидләр ҝәлмәдиjиндән һаким нөвбәти мәһкәмә иҹласыны 26 сентjабр саат 10:45-ә тәjин едиб.
Геjд едәк ки, Бәхтиjар Гурбанов вә Рөjал Әсҝәров апрелин 2-дә һәбс олунублар.
Онлар Бакы Шәһәр Иҹра Һакимиjjәтинин гапысыны jандырмаға ҹәһддә, өзҝә әмлакыны гәсдән мәһветмә вә зәдәләмәдә иттиһам олунурлар.
Диггәт: Хәбәрдән истифадә етдикдә мәнбәjә истинад лазымдыр
