Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мисирин кечмиш президенти Муһәммәд Мурси, Гаһирә Мәһкәмә системини тәһгир етмәк иттиһамы илә, 4 ҝүн һәбс ҹәзасына мәһкум едилиб.
Билдирәк ки, бу ҝүнә кими, М.Мурси һагда 15 ҝүнлүк ики һәбс гәрары верилиб. Бу гәрарларын илкини, истинтаг һакими тәрәфиндән ҹасуслуг иттиһамы илә, Мурсиjә верилмишдир вә һәмин һөкм бир дәфә дә jениләнмишдир, икинҹиси исә, Мисирин jени прокурорлуғу тәрәфиндән “әл-Иттиһадиjjә Еви” гаршысында тәзаһүрат едән вәтәндашлара гаршы олунан һүҹума ҝөрә верилиб. Икинҹи һәбс ҹәзасынын иҹрасы биринҹи һәбс гәрарынын иҹрасындан сонра һәjата кечирилмәси нәзәрдә тутулуб.
Геjд едәк ки, Муһәммәд Мурси, истинтаг тәдбирләринин бириндә әсәбләшәрәк үч дәфә уҹа сәслә “Мән өлкәнин гануну президентиjәм” – деjәрәк даһа сонра, “Мән сизин башчынызам, буна ҝөрә дә һеч бир мәсәлә һагда сизә ҹаваб вермәли деjиләм.” – деjә билдириб.
Хатырладаг ки,Мисирин гануни jолла вә халгын сечими илә сечкиләрдә президент постуна jиjәләнмиш Муһәммәд Мурси һәбсә мәһкум олдуғу һалда, Мисир халгына 40 ил зүлм едән диктатор Һүсни наМүбарәк исә, азадлыгда ҝәзмәкдә давам едир.
Диггәт: Хәбәрдән истифадә етдикдә мәнбәjә истинад лазымдыр
