Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Интерпол, рәсми интернет сәһифәсиндә мәлумат jерләшдирәрәк, Италиjанын азәрбаjҹанлы криминал авторитети беjнәлхалг ахтарыша вердиjини билдириб.
Мәлуматда геjд едилир ки, Азәрбаjҹанын Ләнкәран раjонундан олан, 38 jашлы Рөвшән Ҹаныjев мүтәшәккил ҹинаjәткарлыг, гәсб, рүшвәтхорлуг, чиркли пулларын jуjулмасы вә рәсми сәнәдләри сахталашдырмагда тәгсирли билинир.
Р. Ҹаныjевин һәбси барәдә Италиjа мәһкәмәси хүсуси гәрар чыхарыб вә онун сахланылмасы үчүн Интерпола мүраҹиәт едилиб.
Геjд едәк ки, Рөвшән Ҹаныjев “оғру дүнjасы”нда бөjүк нүфуз саһибидир вә "Рөвшән Ләнкәрански" кими таныныр. О, илк дәфә 1996-ҹы илдә 2 ил мүддәтиндә һәбс едилиб. Рөвшән Ҹаниjев атасынын гатилини һакимин габағында елә мәһкәмә залындаҹа ҝүлләләjиб. Сәбаил раjон мәһкәмәсинин 4 март 1997-ҹи ил тарихли гәрары илә ҹәзадан шәрти азад олунуб. 2000-ҹи илин иjулунда jенидән мәсулиjjәтә ҹәлб олунуб. Гәсдән адам өлдүрмәjә ҹәһд вә ганунсуз олараг одлу силаһ, партлаjыҹы маддәләр вә гурғулар әлдә етмә, башгасына вермә, сатма, сахлама маддәси илә иттиһам олунуб. Лакин мәһкәмә онун барәсиндә психи мүалиҹәjә ҝөндәрилмәси барәсиндә гәрар чыхарыб. 2001-ҹи илдә Сабунчу раjон мәһкәмәсинин гәрары илә Р. Ҹаниjев ҹинаjәт мәсулиjjәтиндән азад едилиб.
Рөвшән Ләнкәрански 2009-ҹу илин декабрында Украjнада һәбс олунуб, декабрын 13-дә Азәрбаjҹана екстрадисиjа олунуб. Дөвләт иттиһамчысы Р. Ҹаниjевин 12 ил мүддәтинә азадлыгдан мәһрум едилмәсини истәсә дә, мәһкәмә она 2 ил 10 аj 19 ҝүн һәбс ҹәзасы кәсиб.
Рөвшән Ләнкәрански һазырда Украjнада jашаjыр.
Диггәт: Хәбәрдән истифадә етдикдә мәнбәjә истинад лазымдыр
