Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн медиа конфрансы заманы Суриjа Хариҹи ишләр Назири Вәлид Муаллем бир сыра хариҹи вә дахили журналистләрин суалларыны ҹавабландырыб.
Суриjа Хариҹи ишләр Назири Вәлид Муаллем билдириб: “Суриjалы сәлаһиjjәтлиләр БМТ мүфәттишләринин ишинә гарышмыр. Кимjәви силаһлардан истифадә едилмәсинә ҝәлинҹә исә мәлумдур ки, бу силаһлардан мәһз Суриjада халг әлеjһинә мүһарибә апаран хариҹи үнсүрләр истифадә едиб. Бу Суриjа халгынын хариҹи террорчулар тәрәфиндән илк кимjәви һүҹумлара мәруз галмасы деjилдир. Террорчулар беш аj бундан өнҹә дә Һәләб раjонунда кимjәви силаһлардан истифадә етмишдиләр. Бунунла бағлы биз БМТ-jә әризә jазараг Һәләбдә арашдырмалар апармагларыны истәдик. Лакин Франса вә Инҝилтәрә бүтүн ишләри корлаjараг БМТ мүфәттишләринин һадисә jеринә ҝөндәрилмәсинин гаршысыны алдылар. Артыг беш аjдыр ки, биз БМТ мүфәттишләринин Һәләбә ҝөндәрилмәсини тәләб едирик... Бундан әлавә кимjәви һүҹумларын әҹнәби jараглылары тәрәфиндән һәjата кечирилмәсини сүбута jетирмәк үчүн әлимиздә кифаjәт гәдәр сәнәдләр мөвҹуддур. Сәнәдли видеоматериалларда аjдын ҝөстәрилир ки, Түркиjә торпагларынад бу силаһларын неҹә дүзәлдилмәси, түрк һәрбичиләри тәрәфиндән jараглылара өjрәдилир... Русиjанын иддиасына ҝөрә дә, космос васитәси илә, силаһлы jараглыларын кимjәви силаһлардан истифадә етмәсинә даир чәкилишләр олунуб.”
О даһа сонра билдириб: “Експертләр тәһлүкәсизлик тәминатларынын олмамасы үзүндән өз тәдгигатларыны сабаһа гәдәр тәхирә салыблар. Онлар журналистләрлә ҝөрүшмәк истәмирләр, лакин билирик ки, онлар Дәмәшгдә шәһәрәтрафы вә сон һәфтә әрзиндә һарада кимjәви силаһлардан истифадә едилмишдирсә олралара сәфәр едәҹәкләр.”
Диггәт: Хәбәрдән истифадә етдикдә мәнбәjә истинад лазымдыр
