Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Президенти Һөҹҹәтүл Ислам Шеjх Һәсән Руһани августун 19-да кечмиш назирләрин видалашма, jени назирләрин тәгдимат мәрасиминдә чыхыш едиб.
Доктор Һәсән Руһани деjиб: “Бизим али тәһсилли гадынларымыз вар. Онлар боjунларына ҹидди мәсулиjjәт алмаға һазырдыр. Гадынларын назир постуна тәjин едилмәмәси өлкәjә һаким өзәл шәраитә ҝөрәдир. Биз ханымлара миннәт гоjмуруг. Бу онларын гануни вә тәбии һүгугудур. Елә буна ҝөрә дә мән назирләрә төвсиjә едирәм ки, мүхтәлиф вәзифәләрдә гадынлар вә ҝәнҹләрдән дә истифадә етмәjә чалышсынлар”.
Өлкәдәки етник групларын һүгугуна тохунан Һөҹҹәтүл Ислам Һәсән Руһани деjиб: “Мәним һөкумәтимдә һеч бир рәсми, о сырадан да Дахили Ишләр Назирлиjинин рәсмиләри өлкәнин мүхтәлиф халглары, динләри вә мәзһәбләри арасында фәрг гоjмамалыдыр, онларын вәтәндашлыг һүгугуна риаjәт етмәлидир. Чүнки һамынын һүгугу бәрабәрдир, түрк, лор, бәлуҹ вә әрәб арасында һеч бир фәрг jохдур.
ИИР-да фарс, түрк вә jа әрәб һөкумәти jохдур. Иран Ислам Республикасынын һөкумәти вар. ИИР ваһид бир чәтирдир вә һамымыз бу ваһид чәтирин алтындаjыг. Ваһид бир системимиз вар вә һамымыз да бу ваһид системин алтындаjыг. “Вәлиjjи-фәгиһ”имиз (Мүчтеһидин һакимиjjәти) вар, һамымыз да онун чәтиринин алтындаjыг вә бир конститусиjамыз вар, jенә дә һамымыз онун чәтири вә һимаjәсинин алтындаjыг. Ҝүман едирәм ки, лор, түрк, әрәб вә фарс һамысы еjни ҝүлләрдир. Садәҹә аjры-аjры рәнҝләринә ҝөрә сечилирләр. Өлкәдәки халглар вә етник груплар Иран ҝүлүстанынын дүрлү-дүрлү ҝүлләридир”, - деjә ҹәнаб Руһани билдириб.
Диггәт: Хәбәрдән истифадә етдикдә мәнбәjә истинад лазымдыр
