Әһли Беjт (әлеjһимус сәлам) -АБНА- Хәбәр Аҝентлиjи- Бу сөзләри FaktXeber.com-а политолог Зәрдүшт Әлизадә Мисирдә баш верән олаjлары гиjмәтләндирәркән сөjләjиб. Мүсаһиб билдирди ки, һазырда Мисирдәки гырғынлар, һәбсләр вә басгынлар давам едир: “Мүсәлман Гардашларынын лидерләринин әксәриjjәти һәкимләр, мүәллимләр вә профессорлардыр. Һазырда онларын һамысы һәбс олунуб. Һәбс едиләнләрин бәзиләрини һәтта мәһкәмәсиз белә ҝүлләләjирләр. Һөкумәт артыг буну етираф етмәjә башлаjыб ки, Әбу Зәбәл һәбсханасында 17 нәфәр ҝүлләләниб.”
Гәрбин баш верәнләри һәрби чеврилиш адландырмагдан чәкиндиjини билдирән експерт, “Гәрбин ганунларына ҝөрә һәрби чеврилиш етмиш һакимиjjәтә вә ингилаблара малиjjә вә һәрби jардымлар етмәк олмаз. Она ҝөрә дә Гәрб Мисир ордусу тәрәфиндән һәjата кечирилән гәтлиамлары ингилабын давамы вә jа дүнjәви дөвләт тәрәфдарларынын етиразы кими адландырыр”, - деjә геjд етди: “Баш верәнләр 90-ҹы илләрин әввәлләриндә Ермәнистан тәрәфиндән Азәрбаjҹан торпагларынын ишғалыны хатырладыр. Белә ки, һәмин дөврдә Гарабағ мүнагишәсини елә бир формада тәгдим етдиләр ки, ҝуjа ки, Азәрбаjҹанын торпаглары Аjдан ҝәлмиш һансыса ишғалчы ермәни гүввәләри тәрәфиндән зәбт олунуб. Бунунла да Ермәнистан мәсулиjjәтдән азад етмәк истәдиләр. Һазырда да Мисирдәки гәтлиамлар Гәрб дөвләтләри вә әрәб диктаторлары һесаб едилән Сәудиjjә Әрәбистаны, Гәтәр вә БӘӘ тәрәфиндән дәстәкләнир. Һалбуки сөзүҝедән әрәб өлкәләриндә һакимиjjәтдә олан диктаторлар jа гардашыны, jа атасыны, jа да ки, халгы зорлаjараг һакимиjjәтә ҝәлибләр. АБШ вә Америка да өз нөвбәсиндә гиjамчылары дәстәкләjирләр. Еjни һалда Исраил медиасы Мисирин мүдафиә назири ҝенерал Әбдүл Фәттаһ Сисини Исраилин халг гәһрәманы елан едиб.”
Зәрдүшт бәj ону да билдирди ки, һазырда Мүсәлман Гардашлары Тәшкилатынын мәһв едилмәси истигамәтиндә ишләр апарылыр: “Артыг гиjамчыларын тәjин етдиjи баш назир Хазим Әл-Бәблави Әдлиjjә Назирлиjинә Мүсәлман Гардашларына мәхсус олан Һүрриjjәт вә Инкишаф Партиjасынын геjдиjjатынын ләғв едилмәсинә даир ҝөстәриш вериб. Нәтиҹәдә исә Мисир халгынын проблемләри даһа да чохалаҹаг. Һәрби чеврилиш едәнләр Мисир халгына рифаһ вә әмин-аманлыг ҝәтирә билмәjәҹәкләр. Она ҝөрә ки, индиjә гәдәр онлар һакимиjjәтдә ола-ола Мисири гарәт етмәклә мәшғул идиләр. Бунунла да мүсәлманлар Гәрб демократиjасынын нә гәдәр сахта вә jаланчы олдуғуну мүшаһидә етди. Мисир халгынын jалныз jеҝанә чыхыш jолу галыб ки, о да силаһлы мүгавимәтдән ибарәтдир.”
“Просесләрин сонуну неҹә ҝөрүрсүнүз”, - суалыны да ҹавабландыран политолог, “бунунла да Гәрб мүсәлманлара ҝөстәрди ки, онларын демократиjа вә диҝәр дәjәрләри нисбидир. Артыг Гәрб иддиа етдиjи вә тәрәфдары олдуғу дәjәрләр мүсәлман арасында ҝөздән дүшдү ”, - деjә билдирди: “Өзләрини Гәрбчи адландыран истисмарчы гүввәләр вәтәни сатмагдан, халгын пулуну оғурламагдан вә милләти истисмар етмәкдән әл чәкмәjәҹәкләр.”
Диггәт: Хәбәрдән истифадә етдикдә мәнбәjә истинад лазымдыр
