Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Нәҹәфи Әшрәф әjаләтинин ҹәнуб бөлҝәсиндә, Рәзәвиjjә мәнтәгәсиндә күтләви мәзарлыг кәшф едилиб.
Нәҹәфи Әшрәф әjаләтинин мәҹлис нүмаjәндәси Ҹавад Гәзали хәбәри тәсдигләjәрәк билдириб: “Әкинчиләрдән бири тарласында мәшғул оларкән бу мәзарлығы кәшф едиб.”
Гәзали даһа сонра деjиб: “Апарылан арашдырмалардан бәлли олуб ки, күтләви мәзарлыг, 1991-ҹи ил, Шәбан аjында Сәддам диктатура режими әлеjһинә тәшкил олунан Интифазә гурбанларына аиддир.”
О даһа сонра билдириб: “Бу ҝүнә кими Диктатор Сәддам әлеjһинә гиjам едән Итифазә гурбанларынын 20 күтләви мәзарлығы пеjда олуб. Һәр бир мәзарлығда jүзә jахын интифазәчиләрин ҹәсәдләри ашкарланыб.”
Геjд едәк ки, бу ҝүнә кими Ирагда 300-дән чох күтләви мәзарлыг ашкарланыб. Онлардан ән бөjүкү “Мәһавил” мәнтәгәсиндә кәшф олунаныдыр ки, орада 1500-дән артыг ҹәсәд тапылыб.
Диггәт: Хәбәрдән истифадә етдикдә мәнбәjә истинад лазымдыр
