Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, августун 2-и 2013 тарихдә, Азәрбајҹан Ислам Партијасы «Гүдс ҝүнү» илә бағлы, ишғалчы исраил режиминин гондарма сәфирлији гаршысында етираз аксија кечириб.
Тәдбирдә АИП-ин сәдрәвәзи Елчин Манафов, партијанын функсионерләри, о ҹүмләдән гадынлар вә ушаглар олмагла 100-ә јахын Исламчы иштирак едиб.
Артыг саат 10-да ишғалчы исраилин гондарма сәфирлијнин гаршысында полисләр вә дипломатик корпусун мүһафизә хидмәти ситуасијаны контрол едирди. Полисләрин радиогурғу илә «автобусла ҝәлирләр» кәлмәсини ешитмәклә, Исламчыларын «5» сајлы автобусла ишғалчы исраилин гондарма сәфирлијнин јерләшдији «Һјатт Реҝенҹј» отелинин гаршысына јахынлашмасы ејни вахтда баш вериб.
Гондарма сәфирлијин гаршысында јол боју дүзүлмүш полисләр автобусдан дүшән диндарлары јенидән ҝери итәләмәјә сәј едибләр. Етиразчылар «Гүдсә азадлыг», «Ишғалчы исраилә ләнәт олсун» шүарларыны сәсләндирибләр.
Елчин Манафовун ханымы Кәмалә вә мәктәбли гызлары сахланылараг ајры-ајры полис машынларына миндирилир. Һаҹы Елчинин гызларынын тәзјигләрә бахмајараг, тәмкинли олмалары диггәт чәкиб. АИП функсионерләринин ханымларындан Фатимә Сәлимова вә Һаҹы Мөвсүм Сәмәдовун һәјат јолдашы да сахланыланлар ичәрисиндәдир. Гадын Исламчыларын сајы чох олса да, һај-күј олмајыб.
Бир нечә полис автобуса минәрәк етиразчылары бөлмәјә апарыб. Сон мәлуматлара ҝөрә, 21 нәфәр сахланылыб. Гондарма сәфирлиијин лап јахынлығында бир нечә диндар гадынын әтрафына полисләр вә журналистләр топлашыб. Гадынлар әлләриндә Азәрбајҹан бајрағы етиразларыны билдирибләр. Нәдәнсә, полисләр онлары сахламагда ләнҝијибләр. Бу арада полис машыны јахынлашараг, «ҝөтүрүн бунлары» командасы ешидилиб. Полисләр гадынлары машынлара отуртмаға чалышыблар. Гадынлар исә «әл дәјмәјин, өзүмүз минәрик» дејиб тәзјиг ҝөстәрмәдән машына отурурлар.
Јахынлыгда јерләшән Јасамал рајон 27 сајлы полис бөлмәсинин гаршысында АИП сәдринин мүавини Акиф Һејдәрли журналистләрә мүсаһибә вериб. О, Гүдс ҝүнүнүн өнәми илә бағлы бунлары дејиб:
«Бу ҝүнләрдә Азәрбајҹан Ислам Партијасы «Гүдс Ҝүнү» илә бағлы Елми-практик конфранс, республика сәвијјәли тәдбирләр кечириб. Рамазан ајынын сон ҹүмәсиндә исә һәр ил олдуғу кими бу ил дә ишғалчы сионист режиминин Бакыдакы сәфирлији гаршысында ҝениш ејтидаз аксијасы кечирдик. Аксијада јүзләрлә инсан иштирак едиб. Бир чох диндар һүгуг-мүһафизә органлары тәрәфиндән габагҹадан сахланылараг, онарын бу етиразда иштиракына имкан верилмәјиб. Етиразчылардан 21 нәфәр Бакынын Јасамал рајон полиси тәрәфиндән сахланылараг, ајры-ајры бөлмәләрә апарылыб”.
Ислам Партијасынын Гадынлар Шурасынын сәдр мүавини Фатимә Сәлимова 13:00 радләриндә мәлумат вериб ки, АИП-ин ишғалчы исраил режиминин гондарма сәфирлији гаршысында кечирилән митингиндә сахланылан Исламчылар азадлыға бурахылыб. Ф.Сәлимова да сахланыланлар арасында олуб.
Гејд едәк ки, тәдбирдә һүгуг-мүһафизә органлары тәрәфиндән икиси азјашлы олмагла 13 гадын сахланылмышды. Һазырда Јасамал рајон мәһкәмәсиндә АИП сәдри Елчин Манафов башда олмагла 6 нәфәр диндарын гапалы мәһкәмәси кечирилир.
Диггәт: Хәбәрдән истифадә етдикдә мәнбәјә истинад лазымдыр
