Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Суријада мүхтәлиф террорчу групларын тәркибиндә Сурија ХалгГүввәләринә гаршы дөјүшләрдә 100-дән артыг азәрбајҹанлы вәһаби-сәләфиләри иштирак едир.
Суријада хариҹи өлкәләрдән ән чох ҝәлән азғын јараглылар Сәудијјә Әрәбистаны, Түркијә, Мисир, Әфганыстан, Русијанын Шимали Гафгаз реҝиону вә Азәрбајҹандандыр.
Суријада минләрлә Ҝүнаһсыз Мүсәлманларын башларыны кәсән, милјонларла суријалыны өз евиндән дидәрҝин салан, Сурија һөкумәт гүввәләринә гаршы дөјүшән азәрбајҹанлылар бура Азәрбајҹандан, Әфганыстандан (Талибан сыраларында дөјүш кечмиш) вә Шимали Гафгаздан (Русијаја гаршы дөјүшәнләр) ҝәлибләр.
Азәрбајҹанлы террорчуларын бөјүк әксәријјәти «Ҹејш әл-Мүһаҹирин вәл-Әнсар» террор груплашмасында ҹәмләшибләр. Групун “әмири” азәрбајҹанлы Әбу Јәһја адлы вәһшинин биридир.
Әбу Јәһја мүҹаһидләрә бағлы интернет сајтларында вә «Јоутубе» үзәриндән јајылан видео мүраҹиәтләрдә азәрбајҹанлы сәләфиләри Суријада Бәшәр Әсәдә гаршы силаһлы мүбаризәдә иштирака чағырыр
О, Суријадакы дөјүшләрдә азәрбајҹанлы јараглыларын һәлак олдуғуну да ифадә едир.
Гејд едәк ки, бир мүддәт әввәл Азәрбајҹан ХИН мәтбуат катиби Елман Абдуллајев вердији ачыгламасында билдирмишди ки, Азәрбајҹан тәрәфи Суријада өлдүрүлән, азәрбајҹанлы олдуғу иддиа едилән шәхсләрин вәтәндашлығыны ајдынлашдырмаг үчүн сәј ҝөстәрәҹәк. Е. Абдуллајевин сөзләринә ҝөрә, Азәрбајҹанын Суријадакы сәфирлијиндә консуллуг гејдијјатында олан Азәрбајҹан вәтәндашларынын һамысы өлкәдә вәзијјәт ҝәрҝинләшдикдән сонра бураны тәрк едиб. О, Суријада јаранмыш вәзијјәтлә әлагәдар өлдүрүлән шәхсләрин миллијјәтини вә вәтәндашлығыны мүәјјәнләшдирмәјин чәтин олдуғуну вурғулајыб.
Диггәт: Хәбәрдән истифадә етдикдә мәнбәјә истинад лазымдыр
