Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, нәһајәт вәкил Анар Гасымлы мүввәкили олан АИП лидери Мөвсүм Сәмәдовла ҝөрүшүб.
Бир саатдан чох ҝөзләдикдән сонра нәһајәт мүвәккили Азәрбајҹан Ислам Партијасынын Лидери Мөвсүм Сәмәдовла ҝөрүшә билән Анар Гасымлы билдириб: “Мөвсүм Сәмәдовун карса салынмасы илә бағлы бир нечә мүддәт бундан өнҹә мәлумат јајылмышды вә ҹәмијјәтдә ҹидди нараһатчылыг доғурурду. Ҝөрүш заманы мәлум олду ки, Мөвсүм Сәмәдову һәм мајын әввәли, һәм дә ки, ијун ајынын сонунда карсерә салыблар”.
О, дејиб: “Буна сәбәб исә Мөвсүм Сәмәдовун Һејдәр Әлијевин 90 иллик јубилеји вә ијун ајынын 26-да Силаһлы Гүввәләр Ҝүнү мүнасибәти илә тәшкил едилән тәдбирдә тәнгиди фикирләр сәсләндирмәси олуб. О, 26 ијунда тәшкил едилән чыхыш заманы билдириб ки, дүшмәнләримиз торпагларымызын 20%-и ишғал едиб, биз исә Бакыда һәрби парад кечиририк. Сөзүҝедән чыхышлардан сонра биринҹи дәфә 7 сутка, икинҹи дәфә 5 сутка карсерлә ҹәзаландырылыб. Јәни ону һәр һансы бир дахили низам гајдаларыны поздуғуна ҝөрә карсерә салмајыблар. Һәр бир инсан кими мәһбусларын да өз фикирләрини сәрбәст шәкилдә ифадә етмәк һүгугу вар. Она ҝөрә дә һесаб едирик ки, Мөвсүм Сәмәдовун өз фикирләрини ифадә етдијинә ҝөрә карсерә салынмасы тамамилә ганунсузлугдур. “
Вәкил ону да билдирди ки, Мөвсүм Сәмәдов мүгәддәс Рамазан ајынын ҝәлиши мүнасибәти илә бүтүн Азәрбајҹан халгына вә мүсәлманлара тәбрик ҝөндәриб.
Диггәт: Хәбәрдән истифадә етдикдә мәнбәјә истинад лазымдыр
